DILI

Kontentór modernu 2.165 sei to’o iha Timor-Leste

Kontentór modernu 2.165 sei to’o iha Timor-Leste

Prezidente Autoridade Munisípiu Dili, Guilhermina Filomena Saldanha Ribeiro. Imajen Tatoli/Antonio Daciparu.

DILI, 22 juñu 2023 (TATOLI)–Prezidente Autoridade Munisípiu Dili (AMD), Guilhermina Filomena Saldanha Ribeiro, hateten kontentór modernu hamutuk 2.165 sei to’o iha Timor-Leste iha fulan-jullu tinan ne’e.

Notísia Relevante: AMD sei haruka tékniku jardinazen-jestaun semitériu ba Portugál

“Entre jullu ho agostu kontentór modernu ho nia bus hamutuk 2.165 sei to’o iha Timor-Leste, hodi koloka ba fatin públiku sira no mós ba populasaun ne’ebé hela barak, nune’e bele akumula lixu,” Autoridade Munisípiu Dili (AMD) ne’e hateten ba Agência Tatoli, bainhira partisipa iha serimónia entrega Asesora Dezenvolvimentu Munisipál Dili hosi programa PARTISIPA, Matadouro, kuarta ne’e.

Prezidente AMD hateten, kontentór modernu ne’e sei mai hodi rekolla lixu maibé ida-ne’e mós sei foti mesak no tula mesak.

Daudaun ne’e, kamioneta hamutuk 70 mak kobre sidade Dili hodi rekolla lixu, nune’e AMD agora kamioneta 70 mak tula lixu tanba kompara uluk tula tonelada 180 maibé agora sa’e 220, no hosi lixu sira-ne’e só lixu médiku mak uitoan de’it maibé seluk barak.

PN aprova orsamentu adisionál millaun $2,3 ba jestaun lixu, no iha 14 dezembru 2021, reprzentante povu iha uma fukun Parlamentu Nasionál liuhosi debate espesialidade ba proposta lei Orsamentu Jerál Estadu (OJE) 2022 aprova orsamentu adisionál $2.300.000 ba Autoridade Munisipál Dili hodi tau ba programa prioridade ba jestaun lixu iha kapitál Dili ho votu a – favór 43, kontra 0 no abstensaun 15.

Proposta númeru 118 títulu Munisipiu Dili, kategória despeza bens no servisu ho programa kódiku 798 kona-ba bee no saneamentu, dotasaun inisial $1,308,582 iha alterasaun aumenta $2.300.000, nune’e dotasaun finál sa’e ba $3,608,582.

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!