Ekipa MOP hahú dezeña futuru Ponte Nunura II
MALIANA, 28 juñu 2023 (TATOLI)-Diretór Servisu Obra Públika Munisípiu Bobonaro, António Mahana, informa akipa tékniku hahú halo Desine Enginering Detile (EHD) ba futuru ponte Nunura II.
Notísia relevante: Komunidade ezije MOP proteje lalais estrutura ponte Nunura
“Sira hosi nasionál foin mai ko’alia ho hau, agora sira atu halo hela desine ponte Nunura II konsultan manán atubele halo dezeñu Ponte Nunura II tama hosi Diru-Aban sai mai iha Halecou ne’e, agora prosesu atu halo dezeñu,” nia aprezenta planu ne’e iha Reuniaun Konsellu Koordenasaun Munisipál Bobonaro, kuarta ne’e.
António Mahana, hatutan, ekipa tékniku sira observa ona fatin atu halo Ponte Nunura II.
“Ida-ne’e sei halo, espera ita-nia governu foun mai ne’e aprova osan hodi halo konstrusaun ne’e,” nia katak.
Tuir nia, governu hakarak estabelese ponte Nunura II, tanba ba futuru tranporte públiku no privada sei liuhosi estrada munisipál, hahú hosi diresaun Manduki mai to’o Mau-Mali, suku Ritabou, postu administrativu Maliana.
Notísia relevante: Korrente bee-mota TL-Indonézia kontinua ameasa ponte Nunura
Jornalista: Sérgio da Cruz
Editór: Evaristo Soares Martins
