Japaun halo preparativu atu simu traballadór timoroan 11
DILI, 06 jullu 2023 (TATOLI)—Ministru Estadu Negósiu Estranjeiru Japaun,Takei Shunsuke, hateten Japaun hahú halo preparativu atu simu traballadór timoroan na’in-11.
“Kona-ba programa formasaun tékniku no estajiária tékniku Japaun hahú halo preparativu atu simu traballadór 11 ne’ebé sei ba Japaun hodi hahú tuir formasaun no serbisu iha ne’ebá. Timor-Leste hanesan nasaun mais joven no Governu TL iha serbisu ida ho forma posetivu tebes para bele iha kooperasaun bilaterál ne’ebé lori benefísiu ba povu ida-ne’e,” Takei Shunsuke hateten ba jornalista sira hafoin hala’o enkontru ho Prezidente Repúblika, José Ramos Horta, iha Palásiu Prezidensiál Nicolau Lobato, Bairru Pite, kinta ne’e.
Tanba ne’e, Ministru Negósiu Estranjeiru Japaun hasoru malu hodi relata no fahe ideia kona-ba asuntu ne’e ho Xefe Estadu.
“Iha enkontru ne’e mós ha’u troka ideia ho PR Ramos Horta kona-ba apoiu oioin ne’ebé Japaun oferese ba TL iha área seguransa, no apoiu formasaun hotu ne’ebé iha ne’e ho intensaun para adezaun Timor-Leste nia ba ASEAN. Tanba ne’e, Japaun iha kompromisu pozitivu iha área hotu atu apoiu TL adere ba ASEAN,” nia hateten.
Nia dehan, iha enkontru ne’e parte rua profunda fortalesimentu bilaterál entre TL ho Japaun, tanba durante reuniaun ho Prezidente Repúblika dala-uluk hato’o profundu respeitu ba fortelesementu bilaterál entre nasaun rua, Timor-Leste ho Japaun, no iha enkontru ne’e hodi Governu Japaun nia naran transmite ami-nia intensaun no ba profunda kolaborasaun ba kestaun rejional nian no komunidade Internasionál.
Tanba, tuir nia, Japaun ho TL hanesan parseiru importante iha Rejiaun Induk Pasífiku ne’ebé kompartilla valór universál hanesan liberdade, demokrásia, direitu umanu, hanesan Estadu direitu, noEstadu direitu Demokrátiku.
“Ha’u-nia vizita mai TL hafoin formasaun IX Governu iha semana kotuk no iha kedas komunikasaun direta ho Governasaun foun ne’ebé atu demonstra de’it Japaun nia kompromisu hodi fó importánsia bilaterál Japaun ho TL,” nia dehan.
Jornalista : Osória Marques
Editór : Cancio Ximenes
