Top

Bispu Baucau husu arte-marisiál no rituál kria ambiente hakmatek iha sosiedade

Pe. Leandro Maria Alves, Bispu foun Dioseze Baucau. Imajen Tatoli/Francisco Sony

BAUCAU, 20 setembru 2023 (TATOLI) – Bispu Dioseze Baucau, Dom Leandro Maria Alves, husu ba organizasaun arte-marsiál no rituál sira atu kria ambiente hakmatek iha sosiedade.

Bispu Dioseze Baucau, Dom Leandro Maria Alves, husu ba responsável hanesan lideransa organizasaun arte-marisiál no rituál no KRAM atu tau matan ba membru sira, liuliu hala’o estudu, sosializa hanoin nafatin atubele aplika tuir dalan loloos tanba arte-marisiál la’ós atu estraga malu, maibé sai fatin atu hakiak domin no moris hakmatek iha sosiedade.

“Bainhira treinu ho didi’ak ne’e la’os atu destrui, halo ema fahe malu maibé liuhosi arte bele hakiak domin no moris hakmatek iha sosiedade,” Bispu Dioseze Baucau hateten iha Vila Antiga, kuarta ne’e.

Dom Leandro Alves haklaken, arte iha siginifikadu atu fó kontenti ba ema seluk hanesan iha nasaun seluk arte-marisiál sai atrasaun hodi hatudu ba ema seluk atu louva hahalok ne’ebé hatudu iha publiku reprezenta naran nasaun.

“Ita hakarak joven sira bele iha konsiénsia ba ida-ne’e,” Dom Leandro Alves subliña.

Kazu konfrontu entre organizasaun arte-marisiál kontinua akontese iha munisípiu Baucau ne’ebé hodi hamosu perturbasaun orden públiku hanesan rezulta vítima kanek no uma komunidade barak mak hetan estragu hanesan akontese foin lalais iha área Nagardjo, Bahu, postu Baucau Vila.

Parte seguransa liuhosi Polísia Nasionál Timor-Leste iha inísiu fulan-setembru ne’e hala’o diálogu entre lideransa organizasaun arte-marsiál no rituál ne’ebé eziste iha Baucau hodi prevene konfrontu.

Totál organizasaun arte-marisiál ne’ebé rejista iha sub-KRAM munisípiu Baucau hamutuk hitu, komposta hosi Persaudaraan Setia Hati Terate (PSHT), Ikatan Kera Sakti Putra Timor-Leste (IKSPTL), Kmanek Oan Rai Klaran (KORK), Padjajaran, Perisai Diri (PD), Seruling Dewata, Kungfu no THS-THM.

Jornalista    : Natalino Belo

Editór           : Evaristo Soares Martins

Publisidade

Leave a Reply

Latest Post

error: Content is protected !!