Reinu Unidu apoia Timor-Leste iha área edukasaun
DILI, 02 outubru 2023 (TATOLI)—Ministra Estadu Reinu Unidu ba Indo-Pasifiku, Anne-Marie Trevelyan, hateten ba oin Reinu Unidu apoia Timor-Leste iha área edukasaun atu oinsá bele hakbiit feto iha lideransa no mós iha diplomasia.
“Sai lideransa feto no diplomasia presiza kontribui ba pás liuhosi estratéjia polítika diplomasia nian,” Anne-MarieTrevelyan hateten liuhosi nota ne’ebé Agência Tatoli asesu, segunda ne’e.
Sekretária Estadu ba Igualdade (SEI), Elvina Sousa Carvalho, hateten nu’udar oportunidade ida ba iha membru Governu, korpu diplomátiku, parseiru dezenvolvimentu sira no mós Ministra Estadu Reinu Unidu ba Indo Pasifiku, Anne-Marie Trevelya, ne’ebé bele kria amizade di’ak liután iha futuru.
“Atividade refere sai orgullu boot ida tanba Ministra Estadu Reinu Unidu ba Indo-Pasifiku ho ninia delegasaun bele hala’o vizita iha Timor-Leste durante loron tolu, hodi haree ba kooperasaun bilaterál Timor-Leste no Estadu Reinu Unidu nian,” nia hateten asuntu ne’e bainhira partisipa no sai oradór iha forum ho tema “feto iha lideransa no diplomasia”, ne’ebé organiza hosi Ministériu Negósiu Estranjeiru no Kooperasaun (MNEK), iha Avenida de Portugál (anterior; Prai dos Coqueiros).
Reinu UNidau nu’udar organizasaun Internasionáal ne’ebe mak durante ne’e apoiu makaas ba promove feto iha vida polítika no mós igualdade jéneru ihaTimor-Leste.
Jornalista : Osória Marques
Editór : Cancio Ximenes
