iklan

DILI

Pagamentu pensaun sosiál ba benefisiáriu 99.564 konklui ona iha outubru

Pagamentu pensaun sosiál ba benefisiáriu 99.564 konklui ona iha outubru

Prezidente INSS, Longuinhos Armando Leite. Imajen TATOLI/Egas Cristóvão

DILI, 20 outubru 2023 (TATOLI)–Prezidente Institutu Nasionál Seguransa Sosiál (INSS), Longuinhos Armando Leite, hateten INSS pagamentu pensaun sosiál ba benefisiáriu hamutuk 99.564 iha territóriu nasionál konklui ona iha fulan-outubru tinan ne’e.

“Pagamentu ba pensaun sosiál faze dahuluk nian ita hahú iha agostu no ramata ona iha outubru ho osan hamutuk $34.021,140,” Prezidente Institutu Nasionál Seguransa Sosiál (INSS), Longuinhos Armando Leite, hateten ba Agência Tatoli liuhosi programa “Entrevista Eskluziva” ho topiku “Progresu Implementasaun Seguransa Sosiál” iha estúdiu Faról, sesta ne’e. .

Prezidente INSS ne’e hatutan, hosi númeru benefisiáriu ne’e idozu iha 90.052 no maluk ema ho defisiénsia hamutuk 9,512.

Nia dehan, kada tinan ema ho defisiénsia sira sempre aumenta tanba iha faze daruak tinan kotuk iha ema rihun 90-resin.

Governante ne’e esplika, ba faze daruak INSS planu prosesa hahú iha fulan-novembru no se lae iha inisiu dezembru no pagamentu sei hahú iha tinan oin.

Governu aprova no dekreta ona dekretu-lei númeru 53/2022, ne’ebé Prezidente Repúblika promulga ona 20 jullu 2022, katak subsídiu idozu no invalidéz nian sei sai hosi $50 ba $57,” Vise Ministra Solidariedade Sosial no Inkluzaun ( MSSI ), Signi Chandrawati Verdial, hateten iha konferénsia imprensa iha MSSI, tersa ne’e.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!