TSSFD aprezenta planu investimentu setór peska kontribui ba dezenvolvimentu ekonómia TL
DILI, 25 outubru 2023 (TATOLI)—Timor Shout See Fishery Development (TSSFD), aprezenta planu investimentu setór peska kontribui ba dezenvolvimentu setór ekonómia iha Timor-Leste (TL).
Aprezentasaun planu investimentu iha setór peska hanesan haki’ak ikan no formasaun iha área peska nian ba Primeiru Vise Primeiru-Ministru no Ministru Koordenadór Ekonómia no Ministru Turizmu no Ambiente, Francisco Kalbuadi Lay, ne’ebé akompañadu hosi Xefe Gabinete Ministériu Administrasaun Estatál (MAE), Benigno da Crus
“Planu investimentu refere sei konstrui iha postu administrativu Laleia,” refere nota imprensa ne’ebé Agencia Tatoli asesu, kuarta ne’e.
Primeiru Vise Primeiru-Ministru no Ministru Koordenadór Ekonómia no Ministru Turizmu no Ambiente, Francisco Kalbuadi Lay, Primeiru Vise Primeiru-Ministru apresia ho planu ne’ebé ekipa aprezenta tanba hosi parte Governu Timor-Leste hato’o bemvindu ba sira-ne’ebé iha hanoin di’ak hodi halo investimentu ne’e.
“IX Governu Konstitusionál prontu fó apoia másimu ba planu investimentu ida-ne’ebe mak sei kontribui tebes ba dezenvolvimentu setór ekonómia iha Timor-Leste,” Kalbuadi Lay hateten.
Jornalista : Osória Marques
Editór : Cancio Ximenes
