iklan

NASIONÁL, DILI

BNCTL sei halo pagamentu ba pensaun sosiál iha 15 novembru

BNCTL sei halo pagamentu ba pensaun sosiál iha 15 novembru

Ferik no katuas-sira forma hela iha BNCTL oin hodi simu subsídiu, tersa (29/12/20). Imajen Tatoli/António Gonçalves.

DILI, 08 novembru 2023 (TATOLI)–Prezidente Administrasaun Institutu Nasionál Seguransa Sosiál (INSS), Longuinhos Leite, hateten BNCTL prontu no sei halo pagamentu ba pensaun sosiál faze daruak hahú iha 15 novembru 2023.

“Ami kontaktu ona ho BNCTL katak sira prontu halo pagamentu ba pensaun sosiál iha 15 novembru tinan ne’e, tanba ita prepara ona dadus no haruka ona ba sira inklui orsamentu ne’e. Tanba ne’e, pagamentu ne’e sei hahú iha 15 novembru agora,” nia hateten ba Agência Tatoli, iha nia kna’ar fatin Caicoli, kuarta ne’e.

Pagamentu pensaun sosiál ba benefisiáriu faze daruak nafatin mantein ho númeru faze dahuluk nian ho ema hamutuk 99.564 ho nia osan $34.021,140 iha territóriu nasionál, no hosi númeru benefisiáriu ne’e idozu iha 90.052 no maluk ema ho defisiénsia hamutuk 9,512.

“Hosi númeru ne’e ita seidauk hatene ema mate hira, ema la simu hira no hira mak sai reklamasaun. Tanba ne’e sira presiza kruza lai dadus hosi faze dahuluk nian maibé ami-nia dadus ba tiha ona. Agora hosi totál faze dahuluk ne’e hira mak la simu no ho nia razaun saida, no iha balun ne’ebé mak la simu ne’e presiza dadus ruma hosi suku nune’e it abele halo fali lista audisionál hodi aumenta lista benefisiáriu ba faze daruak nian,” nia dehan.

Governu aprova dekretu lei-númeru 53/2022, ne’ebé Prezidente Repúblika promulga ona iha 20 jullu 2022, kona-ba pagamentu subsídiu ba idozu no invalidez nian.

Notísia Relevante: Prezidente Repúblika promulga Dekretu-Lei hodi harii fundu rezerva ba seguransa sosiál

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!