Portugál sei promove sentru kulturál Konis Santana iha Mehara
DILI, 23 novembru 2023 (TATOLI)—Embaixadora Portugál iha Timor-Leste, Manuela Bairos, akompañadu hosi Adidu Kooperasaun Portugál iha Timor-Leste, Cristina Fausto, hala’o enkontru ho Ministru Asuntu Kombatente Libertasaun Nasionál (MAKLN), Gil da Costa Monteiro “Oan Soru”, atu kontinua hametin kooperasaun iha área formasaun rekursu umanu.
Embaixadora Portugál iha Timor-Leste, Manuela Bairos, hateten Portugal sei promove sentru kulturál Nino Konis Santana nian iha Mehara, Lautém.
“Portugal sei Promove sítiu istóriku Timor-Leste, hanesan sentru kulturál Nino Konis Santana iha Mehara, ne’ebé sai hanesan patrimóniu Estadu,” Prezidente Posrtugál ne’e hateten liuhosi komunikadu imprensa ne’ebé Agência Tatoli asesu, kinta ne’e.
Governu Portugál liuhosi embaixada Portugál iha Timor-Leste kontinua halo kooperasaun ho Ministériu Asuntu Kombatente Libertasaun Nasionál (MACLN, sigla portugés) hodi kria nafatin relasaun amizade iha área formasaun rekursu umanu nian.
Aleinde ne’e, ko’alia mós kona-ba planu kooperasuan preparativu vizita Ministra Defeza Portugál no grupu médiku hosi ospitál militár ne’ebé mak sei vizita Timor-Leste iha tinan foun 2024.
Ministru apresia governu Portugál nia prontidaun ne’ebé hakarak kapasita rekursu umanu veteranu nia oan, hodi promove no valoriza istória Timor-Leste.
Enkontru ne’e hala’o iha sala enkontru Fundu Investimentu Veteranu (FIV) Comoro no hafoin ne’e hala’o vizita ba iha kliníka veteranu Baucau.
Jornalista : Osória Marques
Editór : Cancio Ximenes
