Prezidente Horta dirije Konsellu Superiór Defeza no Seguransa

DILI, 23 novembru 2023 (TATOLI) – Prezidente Repúblika, José Ramos Horta, dirije reuniaun Konsellu Superiór Defeza no Seguransa hodi haree ba kestaun seguransa iha Timor-Leste.

“Reuniaun loron ohin atu haree ba kestaun sira relasaun ho seguransa no defeza no soberania rai laran nian”, Porta-vóz Konsellu Superiór Defeza no Seguransa, João Aparicio Guterres, dehan ba jornalista sira iha Palásiu Prezidensiál, ohin.

Reuniaun ne’e ho karatèr taka ba públiku no rezultadu hosi reuniaun ne’e sei la fó sai tanba bandu.

“Reuniaun ne’e taka ba públiku, entaun rezultadu saida hosi reuniaun ne’e sei la bele fó sai”, nia hatete.

“Rezultadu ne’ebé ohin fó sai, membru sira de’it mak bele halo análiza ne’ebé klean liu, tanba kestaun sira ne’ebé ohin ko’alia ne’e importante tebes ba seguransa rai laran, ida-ne’e konseitu ida objetivu nian, agora konteúdu refere ba valór prinsípiu, koñesimentu kapasidade no kompeténsia ne’ebé membru hotu kumpre tuir lei atu garante estabilidade”, nia konklui.

Jornalista: Hortencio Sanchez

Editór : Zezito Silva