iklan

DILI, KAPITÁL

Konstrusaun jardin “Toleránsia” iha Kampung Alor atinje ona 90%

Konstrusaun jardin “Toleránsia” iha Kampung Alor atinje ona 90%

Konstrusaun jardin foun hanaran jardin “Toleransia” iha Kampung Alor atinje ona 90%. Imajen Tatolu/Jesuina Xavíer.

DILI, 04 dezembru 2023 (TATOLI)–Jerente Kompaña Manu Bey Unipesoál, Lda, Alberto Guterres, hateten konstrusaun jardin foun hanaran jardin “Toleránsia” iha Kampung Alor atinje ona 90%.

“Ami sei termina iha 31 dezembru, tanba konstrusaun atinje ona 90%. Ami sei kontinua halo manutensaun durante fulan haat hosi janeiru to’o abríl 2024,” Jerente Alberto Guterres hateten ba Agência Tatoli, iha Kampung Alor, segunda ne’e.

Konstrusaun jardin foun hanaran jardin “Toleransia” iha Kampung Alor atinje ona 90%. Imajen Tatolu/Jesuina Xavíer.

Jerente ne’e esplika, konstrusaun ne’e hahú iha fevereiru no lolos ne’e tenke hotu konklui iha juñu, maibé atrazu ne’e tanba komunidade kuda hudi kuandu Governu hasai tiha ema negosiante sira, entaun hein no negosiasaun foun ida, hafoin empreza bele halo konstrusaun.

Nia garante, konstrusaun jardin foun ne’e sei ramata iha fulan ida-ne’e, tanba empreza komesa ona kuda aifunan no kadeira sira kuaze atu konstrui hotu ona.

“Kompaña kuda aifunan hanesan kamboja, trompeta no kuda mós aikasia, hali Portugal no ai ketapa.. Empreza mós monta lampu sorot hitu (7), solar panel 21, lampu kapal 15 no lampu Bundaran haat (4) no halo prefurasaun bee hodi rega jardin no fornese ba haris fatin,” nia hateten.

Iha jardin tefere, kompañia mós konstrui kadeira sadere ne’e hamutuk 27, kadeira 44 hanesan kadeira sadere laiha no nahe paviamentu de’it.

Konstrusaun jardin foun hanaran “Toleránsia”  ne’e, iha mós fasilidade ba ema ho defisiénsia hodi bele vizita ba fatin.

“Rampa ba ema ho defisiénsia mos iha, atu tama ba jardin ne’e no bele fasilita sira tama ba sintina públiku,” nia dehan.

Projetu ne’e nia orsamentu maihosi Dirasaun Jerál Abitasaun no Urbanizmu Ministériu Obra Públika ho total hamutuk $268890.38 ne’ebé sei utiliza ba Jardin “Toleránsia” iha Kampung Alor nia konstrusaun.

Jornalista : Jesuina Xavier

Editór        : Cancio Ximenes

iklan
iklan

Leave a Reply

iklan
error: Content is protected !!