iklan

HEADLINE, MUNISÍPIU, OÉ-CUSSE (RAEOA), POLÍTIKA, SOSIEDADE SIVĺL

FOKUPERS realiza semináriu haforsa sosiedade sivíl hodi promove igualdade jéneru

FOKUPERS realiza semináriu haforsa sosiedade sivíl hodi promove igualdade jéneru

Forum Komunikasaun ba Feto Timor-Leste (FOKUERS, sigla indonézia), segunda ne’e realiza semináriu ida ho tema ‘haforsa servisu organizasaun sosiedade sivíl hodi promove igualdade jéneru iha Oe-Cusse. Imajen mídia ZEESM.

OÉ-CUSSE, 19 dezembru 2023 (TATOLI) – Forum Komunikasaun ba Feto Timor-Leste (FOKUERS, sigla indonézia), segunda ne’e realiza semináriu ida ho tema ‘haforsa servisu organizasaun sosiedade sivíl hodi promove igualdade jéneru liga ba feto sira-nia direitu  iha Rejiaun Administrativa Espesiál Oé-Cusse Ambeno (RAEOA).

Notísia relevante: FOKUPERS rejista vítima violénsia bazeia ba jéneru-fiziku kuaze na’in-800

Vise-Koordenadora FOKUPERS, Domingas Amaral, informa, semináriu ne’e realiza servisu hamutuk ho parseiru Rede ba Rai, hetan apoia hosi Oxfam internasionál iha Timor-Leste.

Liuhosi programa inisiál, luta atu feto sira livre hosi aspetu violénsia sira, liuliu promove feto sira-nia direitu moris ekonomia, sosiál, polítika, kulturál, no direitu fundamentál sira, liuliu direitu ba rai, ne’ebé hakerek no hatuur ona iha enkuadramentu legál sira.

“Semináriu ne’e, oinsá atu haforsa servisu organizasaun sosiedade sivíl sira-nian, hodi promove igualdade jéneru, liuliu atu haree ba feto sira-nia direitu ba iha rai, ho objetivu atu transforma ema-nia koñesimentu no luta ba feto nia direitu fundamentál sira, liuliu direitu ba rai iha moris kultura no sosiedade.”

Entaun semináriu ne’e tarjetu ba ema na’in-50, ne’ebé mai hosi autoridade lokál, parte igreja, juventude, organizasaun sosiedade sivíl sira, seguransa PNTL no estudante sira.

“Atividade ne’e, ita iha servisu di’ak ho Autoridade RAEOA tanba kolaborasaun di’ak, atubele realiza semináriu ne’e iha Oé-Cusse, tanba asuntu igualdade jéneru, liuliu liga direitu ba rai, hanesan asuntu fundamentál ida, presiza halo mós advokasia maka’as liután, nune’e iguladade jéneru ne’e, ema hotu bele iha direitu hanesan.

Koordenadór Nasionál Redi ba Rai, Pedretu Viera, apresia ba organizasaun Fokupers, organiza no realiza semináriu ne’e foku ba asuntu feto nia direitu liga ho rai.

“Ha’u hanoin, presiza tebes públiku tomak iha Oé-Cusse presiza iha koñesimentu di’ak, oinsa feto mós iha direitu hanesan ho mane sira, liuliu liga ho rai tanba semináriu ohin ne’e, ko’alia barak ba asuntu rai, bele informa ba públiku katak tuir ne’ebé vigora garante katak, feto mós iha direitu hanesan ho mane, laiha diskriminasaun,” nia orgullu.

Notísia relevante:FOKUPERS husu MSSI justifika revoga lei kria “Bolsa da Mãe Jerasaun Foun”

Entretantu, durante semináriu ne’e, marka prezensa mós oradór na’in hanesan Prezidente Autoridade RAEOA sesante, Arsénio Paixão Bano, hodi aprenzenta materia kona-bá polítika no papél Autoridade RAEOA hodi fó apoia ba programa empoderamentu ekonómia feto iha Oé-Cusse.

Diretór Terra Propriedade RAEOA, Celestino Casenube, aprezenta matéria kona-bá Lei no polítika ne’ebé proteje no asegura feto nia direitu ba rai.

Nune’e mós norma legál ne’ebé sensivel ba jéneru hodi proteje feto nia direitu ba rai iha prosesu atendimentu ba kazu violénsia bazea ba jéneru, aprezenta hosi Defensór Públiku Oé-Cusse, Calisto Totu, no ikusliu loke sesaun diskusaun husu no hatán.

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!