Lutadór MMA Abro Fernandes mout iha mundu “Konfesaun Roupa”

DILI, 31 novembru 2023 (TATOLI)–Lutadór Mixed Martial Art (MMA), Abrão Fernandes, la’o husik hela nia knua moris fatin Luro-Lautém-Timor-Leste, buka moris iha Solo-Jawa Tengah-Indonézia iha tinan 2012.

Notísia Relevante: La konsege ba Singapura, Abro Fernandes halo auto-kuarentena iha Solo

Quinamoko-oan ne’ebé moris iha Luro, 02 maiu 1990 ne’e, iha 2013, deside tama iha Han Figth Academy Solo. Loro ba loron, nia hala’o treinaentu iha fatin ne’e to’o ohin loron, tanba lihosi akademia ida-ne’e mak haboot nia naran no lori nia sai famozu iha Indonézia nu’udar kampionatu nasionál iha One Pride Mixed Martial Art (MMA).

Maibé antes ne’e, Abrão Fernandes konsege hetan medalla hanesan sai manán-na’in nasionál ba Muay Thai iha 2014 no iha tinan rua tutuir malu sai kampionatu ba Kickboxing Lindu Aji Championship iha 2013-2014. Ho esperiénsia ida-ne’e mak lori sadik nia atu tuir One Pride MMA ne’ebé fó sai hosi televizaun privadu “TvOne” iha tinan 2016 nia hahú.

Ninia viajen ba hadau hanesan primeiru lugar ka sai kampionatu fasil tebes, tanba ho ninia dixiplina treinu iha Han Fight Academy Solo, fasil ba nia halakon ninia adversáriu sira iha kada ronda. To’o ikus, nia eleitu sai kampionatu nasionál dahuluk iha One Pride MMA 2016.

Lutadór Mixed Martial Art (MMA), Abrão Fernandes ka kuñesidu Abo Fernandes, hatetetn nia hahú hamout aan iha mundu “Konfesaun Roupa” ka suku roupa iha uma ne’e, nia hahú ho suku uniforme ka farad ba atleta Mixed Martial Art (MMA) nia iha Sol0-Jawa tengah-Indonesia iha 2019 to’o ohin loron.

“Ha’u halo hela business kona-ba suku farda foun-foun ne’e MMA nian, Boxing, Muay Thai tanba desde 2011 ha’u ne’e aprende tiha ona kona-ba produsaun konfesaun roupa. Agora, iha COVID ne’e iha de’it uma, entaun ha’u-nia soft-skill ida-ne’e hahú tenta hodi habelar no tenta halo prodasaun ba ekipamentu treinu MMA nian,” Lutadór MMA ne’e hateten ba Agência Tatoli iha estúdiu Farol, Dili, bainhira nia mai hala’o vizita ba nia família iha Luro-Lautém, segunda (26 novembru 2023).

Nia dehan, produsaun ba ekipamentu mak ho materia lokál maibé 80% ne’e iha Indonézia, 20% mak nia foti hosi rai-li’ur hanesan Xina. Hosi 20% ne’ebé mak foti iha li’ur ne’e presiza material prima ne’ebé mak laiha Indonézia, tanba desportu ne’e nia farda presiza kualidade tanba hodi tuku malu no riba malu.

“Entaun, presiza nia kulaidade ne’ebé mak di’ak. Importante, primeiru mak nia kualidade ne’e, entaun ita tenke foti hosi rai-li’ ur,” nia dehan.

Prodús konfesaun roupa ka suku roupa ne’e iha ne’ebé, nia hatán, nia prodús de’ir iha treinadór nia fatin, tanba iha ne’ebá pedidu barak hosi merkadória automátikamente buka maneira seluk hodi rekruta fali funsionáriu balun atu apoiu suku roupa.

“Ami hola ekipamentu produsaun hanesan mákina suku roupa nian. Agora, kona-ba material prima ita ba sosa iha fábrika mak hodi suku fali. Iha ne’ebá, ha’u uza maneira ida ema order mak ha’u foin halo. Dahuluk, ha’u uza modal rasik, siginfika ha’u selu ema suku ne’e (penjahit), maibé ha’u lori nia ezemplu mak fábrika ne’e prodús,” nia hateten.

Notísia Relevante: Vistu expira, Abro labele partisipa eventu “One Championship” iha Singapura

Nia esplika, tanba 80% ne’e ema order liuhosi online, entaun dahuluk nia tenke asesu ba Instagram, facebook, WhatsApp, no bainhira ema hameno ne’e selu uluk 50% mak foin prodús no dala ruma mós ema balun selu dala ida kedas (lunas).

“Fábrika ne’e iha Solo Jawa Tengah, no iha Asia Tenggara mós boot no nia mós halo kostum militár nian. No, iha ne’ebá mós kolega barak mak iha fábrika entaun join ho sira depois hosi ne’e influénsia to’o iha ita. Entaun, ita hatene nia sasán saida mak atu halo ba ida-ne’e, enatun bainhira ita presiza ne’e fasil loos ba ita,” nia dehan.

Foufoun, nia dehan, dahuluk ne’e suku iha uma no ema ida de’it mak suku maibé presiza ema ne’ebé mak kualifikadu no iha esperiénsia, entaun nia rekruta ema-ne’ebé iha esperiénsia no iha ne’ebé ho idade 30-resin ona ne’ebé mak iha esperiensia suku kleur ona.

Kona-ba farda ne’e, tuir Abro Fernandes, ne’e buat foun ba sira liuliu farad bola nian tanba nia forsa diferensa nune’e depois nia forsa sira lahatene, tanba sira bainbain uza roupa ne’ebé mak faru, jaket, kalsa sira-ne’e jerál.

Agora kona-ba MMA ne’e, nia hateten, diferensa uitoan tanba forsa ba suku nian mós sira lahatene tanba sira la’ós hosi komunitadade ida-ne’e nian. Sira bainbain uza ne’e tuir nia hanoin de’it, entaun dala ruma nia forsa suku ne’e ladún di’ak.

“Diferensa ho bola liuliu bela arte marsiál nian tenke iha forsa tanba bainhira book-aan ne’e tenke metin no forsa nian. Entaun, kuandu ami rekruta ne’e tenke ema ne’ebé foun, nune’e bainhira aprende no prátika ne’e tenke akapta lalais. Entaun, ha’u hapara fali ida iha esperiénsia no rekruta fali foun,” nia esplika.

Ba dahuluk, nia rekruta ema ida depois to’o agora ne’e ema hamutuk na’in-ualu (8) ona mak sai fusnionáriu ba suku nian. Tanba, foin mak ema na’in-ualu (8) mak seidauk bele sai kompañia ida maibé ho naran empreza domestika. Daudaun ne’e empreza domestika ne’e suku jerál de’it hanesan kamizola, kalsa no agora suku kamizola no faru sira-ne’e fasil.

“Produsaun sira-ne’e haruka ona ba Malaizia no to’o ita nia farad ne’e atleta sira hodi ba faight ona iha Amerika. Depois iha TVone ne’e, dala barak atleta MMA sira ba show ne’e, sira uza ba f ha’u-nia produtu hosi faru no kalsa. Iha Indonézia de’it seidauk perkore hotu,” nia dehan.

Empreza doméstika ne’e konesidu ho naran Komodo, tanba iha ne’ebá seidauk uza naran Komodo. Iha Timor-Leste, federasaun MMA mós order hela ekipamentu treinu nian no kosnege hatama ona saku 10 mai Timor-Leste, depois tuir planu nia sei halo produsasun hodi uza naran Lafaek.

Tuir planu, nia sei hebelar liras hodi loke negósiu Konfesaun Roupa ne’e aleidne iha Solo-Jawa Tengah-Indoensia, iha tinan 2024 mai ne’e nia sei loke mós iha Timor-Leste.

“Tanba, ha’u haree ekipamentu hanesan kofesaun ba materiál seidauk iha. Iha timoroan ne’e só iha mak kona-ba kazamentu nian. Maibé kona-ba ekipamentu ka sasán jeral hanesan farda ba eskola no partidu nian mós, ne’ebé ha’u iha planu atu harii iha Timor-Leste. No, kona-ba ema, ita prepara hosi ne’ebá mak lori mai iha ne’e. Ami lori hosi ne’ebá mai tanba dala ruma mai la pas ho fatin ne’e no ligadu mós osan tanba gastu barak,” nia esplika.

Nia dehan, bainhira loke iha Timor-Leste automaticamente uza nafatin Komodo tanba jerál katak ema hotu bele uza no naran Lafaek ne’e federasaun MMA foti ona naran refere.

“Ha’u planeia ona, tanba buat kiik-boot ba foti iha Indonézia. Automatikamente ita-nia osan suli sai hotu ba li’ur. Kona-ba rendimentu hosi negósiu, razoável uitoan, Fulan ida hetan $5.000. Ida-ne’e mínimu ona. Agora selu fali funsionáriu na’in-ualu no ida ba dezainer nian ne’ebé selu karun tebes. Ba ida dezainer seluk ne’e ita selu empat setegah juta no ida dezain ne’e 22 juta. Entaun hosi ne’e osan sai ka pengeluaran ba fulan ida nian kuaze 20-30 juta no osan tama ka pemasukan nian bele to’o 30-50 juta,” nia dehan.

Hosi negósiu ne’e, nia esplika, sempre halo kompetisiaun ho sira iha Indonézia, no iha ne’ebá mós ninia prusaun Komodo ne’e mós naran boot entaun hosi provínsia hotu-hotu kuaze order. Iha Malang mós pesan inklui partidu ne’ebá ne’ebé prepara ba eleisaun Prezidensiál Indonésia 2024 nian mós order.

Notísia Relevante: Abro Fernandes: “Vitória Ne’e Ha’u Dedika Ba Ha’u-nia Inan-Aman”

Jornalista : Osória Marques

Editór       : Cancio Ximenes