MD no g7+ sei organiza konferénsia internasionál kona-bá reforma setór seguransa
DILI, 29 janeiru 2024 (TATOLI) – Ministériu Defeza no Nasaun afetadu konflitu, frajil no iha tranzisaun ba reziliénsia (g7+), tempu besik, realiza konferénsia internasionál ho tema prinsipál mak “Reforma Setór Seguransa”.
“Ami halo parseria ho Ministériu Defeza, iha tempu besik, sei realiza konferénsia internasionál kona-ba setór seguransa, hodi kria pás iha Timor-Leste, nune’e dezenvolvimentu bele la’o ba oin.,” dehan Sekretáriu Jerál Organizasaun Intergovernamentál g7+, Helder da Cost, ba jornalista sira iha edifisiu g7+ Dili, segunda ne’e.
Tuir planu, konferénsia internasionál ne’e atu hala’o iha loron FALINTIL, iha 20 agostu 2024, nune’e Ministru Defeza, Donaciano do Rosario Gomes, konvida ona Professór, António Silva Ribeiro hanesan eis Xefe Estadu Maiór da Forsa Armada Portugál mai Timor-Leste hodi ajuda servisu tékniku balun kona-ba konferénsia ne’e.
Biban hanesan, Eis Xefe Estadu Forsas Armada Portugál António Silva Ribeiro, hatete prejensa iha Timor-Leste tanba hetan konvite espesiál hosi Ministru Defeza atu apoiu servisu iha planeamentu ba konferénsia internasionál reforma setór seguransa.
“Ha’u mai iha ne’e bazeia ba konvite, maibé mai atu apoiu servisu hodi realiza konferénsia reforma setór seguransa, kontribui atu hametin estabilidade nasaun, atu kria kondisaun nasaun nian hodi foku ba dezenvolvimentu,,” nia hatete..
Konferénsia ne’e sei partisipa hosi Ministru Defeza hosi nasaun membru g7+ sira atu ko’alia no troka hanoin ba malu liuliu iha área seguransa no defeza nia dezenvolvimentu ba oin.
Notísia relevante:UNTL no g7+ organiza konferénsia internasionál haree balansu tranzitória dezenvolvimentu
Jornalista: Hortencio Sanchez
Editór : Florencio Miranda Ximenes
