iklan

EDUKASAUN

Estudante 5.236 asesu ba UNTL-IBP

Estudante 5.236 asesu ba UNTL-IBP

Diretora jerál MESSK, Maria Filomena lay Guterres. Imajen Tatoli/Egás Cristóvão

DILI, 02 fevereiru 2024 (TATOLI)—Dsiretora Jerál Ensinu Superiór no Siénsia, Prezidente Komisaun Asesu Engeresu Ensinu Superiór (CAEES, sigla Portugés), Maria Filomena Lay, hateten estudante 5.236 mak asesu ba Universidade Nasionál Timor-Leste (UNTL) no Institutu Politékniku Betano (IBP).

“Númeru kandidatu ne’ebé admitidu ba UNTL no IBP. Ba UNTL estudante hamutuk 4.474 no ba IBP estduanta hamutuk 462, nune’e totál hamutuk 5.236,” Prezidente Komisaun Asesu Engeresu Ensinu Superiór (CAEES, sigla Portugés) anúnsia rezulatdu teste iha salaun Ministériu Ensinu Suoeriór Siénsia no Kultuta (MESSK), Colelmera, sesta ne’e.

Reponsável ne’e haktuir, ohin anúnsia forma jerál rezultadu finál ba rejime rua mak rejime jerál finalista hosi Ensinu Sekundáriu Jerál no Ensinu Tékniku Vokasionál ne’e finalista 27.398 fahe ba Ensinu Sekundáriu Jerál 23.256 no Ensinu Sekundáriu Tékniku Vokasionál hamutuk 4.142.

Númeru totál estudante finalista sira hosi Ensinu Sekundáriu Jerál no Ensinu Sekundáriu Tékniku Vokasionál ne’ebé prienxe buletin hamutuk 12.098, ne’ebé fahe ba Ensinu Sekundáriu Jerál 10.633 no Ensinu Sekundáriu Tékniku Vokasionál 2.257.

Númeru estudante finalista hosi Ensinu Sekundáriu Jerál no Ensinu Sekundáriu Tékniku Vokasionál ne’ebé admitidu ba Ensinu Superiór Públiku UNTL no IBP liuhosi rejime jerál hamutuk 4.446, no Ensinu Sekundáriu Jerál hamutuk 3.647 inklui ona estudante 85 ne’ebé hetan klasifikasaun di’ak-liu hosi munisípiu ida-ida.

Ensinu Sekundáriu Tékniku Vokasionál hamutuk 799 ne’ebé inklui ona estudante 25 ne’ebé klasifikasaun di’ak-liu iha nível nasionál.

Númeru estudante finalista hosi Ensinu Sekundáriu Jerál no Ensinu Sekundáriu Tékniku Vokasionál ne’ebé preienxe buletin maibé ne’ebé la admitidu ba Ensinu Superiór Públiku liuhosi rejime jerál hamutuk 7.652.

Rejime espesiál kompostu hosi opurtunidade no fó biban ba sidadaun timoroan ne’ebé ramata ona Ensinu Sekundáriu iha tinan haat ba kotuk, ho rezultadu finál mak númeru totál kandidatu sirahamutuk 1.116, númeru kandidatu ne’ebé tuir ezame hamutuk 849 no númeru kandidatu ne’ebé la tuir ezame hamutuk 267.

Númeru kandidatu ne’ebé admitidu ba UNTL no IBP hamutuk 513 no númeru kandidatu ne’ebé la admitidu ba Ensinu Superiór hamutuk 336.

Rejime veteranu no martír nia oan sira-nia rezultadu mak númeru totál kandidatu sira hamutuk 291 no númeru kandidatu ne’ebé tuir ezame 247, númeru kandidatu ne’ebé la tuir ezame 44.

Númeru kandidatu ne’ebé admitidu ba UNTL no IBP hamutuk 93 no númeru sira-ne’ebé laiha kolokasaun ba Ensinu Superiór hamutuk 154.

Rejime ne’ebé fó biban ba família kbiit laek ho nia rezultadu mak estudante 1.802 no númeru kandidatu ne’ebé tuir ezame hamutuk 1.639 no númeru kandidatu ne’ebé la tuir ezame hamutuk 163,

Númeru kandidatu ne’ebé admitidu ba UNTL no IBP hamutuk 109 no númeru kandidatu ne’ebé la admitidu hamutuk 1.503.

Ba ema-ne’ebé remata Ensinu Sekundáriu mak tinan boot-liu (idade 23) no timoroan ne’ebé ramata iha estranjeiru, ema ho defisiénsia, Polísia Nasionál Timor-Leste (UNTL), Forsa Defeza Timor-Leste (F-FDTL) sira-ne’ebé naran admitidu ba UNTL no IBP hamutuk 75.

Rezultadu ne’ebé MSSK sei difulga liuhosi website Ministériu Ensinu Superiór Siénsia no Kultura (MESSK), website instituisaun UNTL no website Institutu Politékniku Betano no mós pájina Facebook MSSK, UNTL no IBP nian

Ministru Ensinu Superiór Siénsia no Kultura (MESSK), José Honório Jerónimo, hateten rezultadu ne’e vigór no transparente, servisu ho ekipa entre liña ministeriál sira-ne’e, nune’e servisu ho transparate, loos, rigór tuir diploma ministeriál ne’ebé iha.

“Ha’u hanoin servisu ne’e vigór no dala ruma ha’u mós ba haree, tanba tenke halo transparante nune’e tinan ne’e valór mínimu 46 no tinan oin parese 48. Ne’e di’ak-liu tanba ita hakarak aposta ba kualidade. Tanba ne’e, liña ministeriál haat mak hanesan Ministériu Ensinu Superior Siénsia no Kultura, Ministériu Asuntu Kombatente Libertasaun Nasionál, Ministériu Solidariedade Sosiál no Inkluzaun, Ministériu Administrasaun Estatál no Ministériu Edukasaun.

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!