iklan

INTERNASIONÁL, DILI, HEADLINE

Prezidente Repúblika konfia Xanana solusiona problema Naktuka

Prezidente Repúblika konfia Xanana solusiona problema Naktuka

Prezidente Repúblika, José Ramos-Horta, hala'o enkontru regulér ho Primeiru-Ministru, Kay Rala Xanana Gusmão, Iha Palásiu Prezidensiál, Bairru-Pité, kinta (04/01). Imajen Tatoli/Egas Cristóvão

DILI, 07 fevereiru 2024 (TATOLI) – Prezidente Repúblika (PR), José Ramos Horta, hatete nian parte tau konfiansa ba 100% ba Xefe Negosiadór Prinsipál Delimitasaun Fronteira Terestre no Maritima, Kay Rala Xanana Gusmão rezolve ka solusiona problema Naktuka iha Rejiaun Administrativu Oé-cusse.

“Ha’u tane politika Governu nian liuliu konfia 100% ba  Primeiru Ministru tanba nia mak negosiadór nia sei rezolve ho susesu,” hateten, Xefe Estadu ba jornalista sira iha Aeroportu Internasionál Prezidente Nicolau Lobato, kuarta ne’e.

Notísia Relevante: Abitante Naktuka fó fiar bá Xanana luta to’o finaliza fronteira terrestre

Tanba ne’e, Xefe Estadu husu ba parte hotu atu labele halo kritika tuun sa’e, maibé tau konfiansa ba Xefe Negosiadór atu rezolve to’o hetan solusaun ba markasaun difinitivu iha lina fronteira.

“Ha’u nunka haree iha nasaun ida kuandu nia Xefe Negosiadór ba halo negosiasaun hotu-hotu tau kanuru tohar, tantu Parlamentu Nasionál no ema matenek seluk, ha’u hatene ema matenek bo’ot barak iha nasaun ne’e, maibé husik Xefe Negosiadór rezolve,” Horta sujere.

Nune’e, PR Horta husu ba hotu-hotu tenke tau konfiansa ba Xanana hodi bele finaliza fronteira terrestre ne’e iha tempu badak, hodi haka’at fali ba negosia fali fronteira maritima ho Indonézia.

PR Horta konfia PM Xanana tanba haree ba ezemplu, fronteira tasi ho Austrália loloos seidauk finaliza tanba iha akordu tinan 50. maibé ho Primeiru Ministru, Xanana Gusmão konsege konklui.

“Ita husik de’it maun Xanana maka tau matan ba ida-ne’e. Solusaun ne’ebé Maun boot Xanana hetan ho Indonézia, klaru sei formál, nia ko’alia saida maka sei halo ha’u  apoiu,  ha’u fó konfiansa bá ekipa Governu nian  tanba sei halo ho susesu,” PR Horta konfia. 

Akordu provizóriu 2005

Akordu provizóriu entre Governu Timor-Leste no Governu Indonézia kona-ba fronteira terrestre hakerek iha Provisional Agreement (PA) ne’ebé hala’o iha Dili iha loron 06 abríl 2005. Iha Provisional Agreement (PA) tinan 2005 ne’e iha rejiaun tolu (3) mak unresolved segment mak Noel Besi-Citrana, Bidjael Sunan-Oben no Dilumil-Memo.

Fronteira Noel Besi-Citrana nu’udar rejiaun ne’ebé lokaliza iha iha munisípiu Kupang, Nusa Tenggara Timur (NTT), iha ne’ebé ninia baliza direta ho RAEOA-Timor-Leste. Fronteira refere hatada ho mota Noel Besi ne’ebé suli ba tasi Sawu. Entretantu Bidjael Sunan-Oben nu’udar rejiaun ne’ebé lokaliza iha Manusai, munisípiu Timor Tengah Utara (TTU).

Iha tinan 2017, iha Jakarta-Indonézia, Ministru Koordenadór ba Asuntu Polítika no Defeza Indonézia, Wiranto, no Ministru Negósiu Estranjeiru no Kooperasaun Repúblika Indonézia Retno Marsudi hala’o enkontru dahuluk ho Xefe Negosiadór Prinsipál Delimitasaun Fronteira Marítimia no Terrestre, Kay Rala Xanana Gusmão.

Iha enkontru ne’e, sira konkorda malu atu kria Senior Official Consultation (SOC) hanesan grupu kiik-oan ida-ne’ebé atu diskute teknikamente entendimentu ka akordu atu rezolve fronteira segment naun rezolvidu mak Noel Besi-Citrana no Bidjael Sunan-Oben.

Iha sorumutu Senior Official Consultation (SOC) ba dahuluk ne’e hala’o iha 10 marsu iha Bali. Iha biban ne’eba, delegasaun SOC hosi Timor-Leste lidera hosi Ministru Negósiu Estranjeiru no Kooperasaun, Roberto Soares. Entretantu, delegasaun Idnonézia lidera hosi Diretór Jenderal Asia Pásifiku no Afrika, Desra Percaya.

Sorumutu SOC ba dala-haat nian realiza iha 04 dezembru 2018 no sira konkorda halo Iha tinan 2017, iha Jakarta-Indonézia, Ministru Koordenadór ba Asuntu Polítika no Defeza Indonézia, Wiranto, no Ministru Negósiu Estranjeiru no Kooperasaun Repúblika Indonézia Retno Marsudi hala’o enkontru dahuluk ho Xefe Negosiadór Prinsipál Delimitasaun Fronteira Marítimia no Terrestre, Kay Rala Xanana Gusmão.

Iha sorumutu SOC ba dala-haat nian ne’e realiza iha 04 dezembru 2018. Iha sorumutu ne’e sira konkorda halo Term of Reference (TOR) Joint Field Visit (JFV) on the Resolution of the Noel Besi-Citrana and Bidjael Sunan-Oeben Segments. Joint Field Visit (JFV) ne’e ho objetivu haree tuir elementu hotu-hotu ne’ebé relevante, ne’ebé hakerek ona iha tratatu 1904.

Notísia Relevante: PN kontinua fó konfiansa ba Xanana luta finaliza fronteira terrestre

Jornalista: Hortencio Sanchez

Editór       : Florencio Miranda Ximenes

iklan
iklan

Leave a Reply

iklan
error: Content is protected !!