iklan

DILI

Formandu Sentru Queshadip Ruak 30-resin servisu iha Korea

Formandu Sentru Queshadip Ruak 30-resin servisu iha Korea

Formadór dalen Korea iha Centro Quesadhip Ruak, Ezequel Florentino Baptista. Imajen Tatoli/Osória Marques.

DILI, 08 fevereiru 2024 (TATOLI)–-Formadór dalen Korea iha Sentru Quesadhip Ruak (CQR, sigla portugés), Ezequel Florenino Baptista, hateten formandu sira-ne’ebé mak tuir formasaun dalen Korea iha CQR ne’ebé agora daudaun sservisu iha Korea hamutuk 30-resin inklui feto ida.

“Formandu ne’ebé susesu hamutuk 30-resin ba ona servisu iha Korea, hosi totál formandu hosi 2018-2024 hamutuk 1.325 ne’e,” Nia dehan ba Agência Tatoli, iha Centro Quesadhip Ruak (CQR) Colmera, kinta ne’e.

Voluntáriu ne’ebé Korean International Cooperation Agency (KOICA) apoiu ba entru Quesadhip Ruak (CQR) hosi 2018-2023 ne’e ho totál na’in-13 no agora foun ida mai tan ona maibé sei tuir hela formasaun dalen tetun iha KOICA.

“Hosi númeru ne’e voluntáriu ida (1) hanorin komputadór no ema 12 hanorin dalen Korea, na’in-sia (9) hanorin iha Dili, rua iha Same no rua seluk iha Ataúro,” nia hateten.

Buat ida sai kestaun ba CQR mak profesór hanorin dalen Korea ba estrudante sira, tanba daudaun ne’e iha CQR ne’e na’in-tolu entaun hosi labele simu estudante barak, nune’e simu de’it estudante ba sala-de-aula tolu (timoroan ida ho KOICA rua) nian.

“Nune’e, iha tinan ne’e ita iha kada sala-de-aula akumula ema 35, maibé daudaun ne’e ita hela ema 80-resin tanba barak mak latama ho razaun servisu no eskola,” nia dehan.

Nia akresenta katak hosi ema-ne’ebé mak tuir kursu dalen Korea ne’e la’ós tenke ba hotu Korea maibé fila-fali ba estudante ida-idak nian vontade aprende no estuda hodi tuir teste iha Sekretáriu Estadu Formasaun Profesionál no Empregu (SEFOPE).

“Teste iha SEFOPE mós rigór uitoan la hanesan uluk tanba uluk ne’e ba tuir teste kuandu liu ba de’it ona agora la’e sei ba teste fíziku tan mak kuandu pasa mak bele ba,” nia hateten.

Formadór ne’e hateten katak kursu dalen Korea ne’e hetan apoiu hosi Governu Korea liuhosi KOICA, inklui fasilidade sira ba formasuan nian hanesan komputadór (laptop), kadernu, lapizeira, meza, kadeira no seluk tan.

Jornalista : Osória Marques

Editór        : Cancio Ximenes

iklan
iklan

Leave a Reply

iklan
error: Content is protected !!