iklan

INTERNASIONÁL, DILI, HEADLINE, SEGURANSA

ONU observa Timor-Leste hatudu progresu di’ak iha área seguransa roduviária

ONU observa Timor-Leste hatudu progresu di’ak iha área seguransa roduviária

Polísia Nasionál Timor-Leste (PNTL), liuhosi Tránzitu Nasionál Munisípiu Dili, halo apreensaun ba motor sira ne'ebé para kontra sinál tránzitu, iha Estrada-ibun Embaisada Portugal nia sorin, kuarta (06/02). Imajen/Francisco Sony

DILI, 08 fevereiru 2024 (TATOLI)— Prezidente Repúblika, José Ramos Horta, kinta ne’e, hasoru malu ho Sekretáriu-Jerál Organizasaun Nasaun Unida (ONU) no Enviadu Espesiál ba Seguransa Roduviária, Jean Todt, hodi ko’alia kona-bá seguransa rodaviáriu iha Timor-Leste.
Hafoin enkontru, Prezidente Repúblika hato’o katak ho enviadu Espesiál diskute kona-bá oportunidade atu hametin seguransa estrada liuhosi lejizlasaun, edukasaun no kooperasaun ho inisiativa rejionál no globál sira atu asegura ema nia vida iha estrada.

Imajen/espesiál

“Timor-Leste halo ona progresu importante iha seguransa roduviáriu, maibé servisu barak sei kontinua. Asegura seguransa estrada nian mak ita-nia responsabilidade ne’ebé fahe ba malu. Liu hosi hadi’a padraun seguransa rodoviária, infraestrutura, konsiénsia públiku, edukasaun, no implementasaun tráfiku, hamutuk ita bele konstrui kondusaun ida ne’ebé seguru hodi proteje ema hotu iha Timor-Leste,” hatete Horta iha Palásiu Prezidensiál Dili, kinta ne’e.

Nune’e, Xefe Estadu afirma importánsia hodi envolve parte-interesada oin-oin, inklui Governu, sosiedade sivíl no parseiru internasionál sira, atu alkansa rezultadu sustentavél no impaktu sira iha seguransa rodaviária no rekoñese importánsia hosi parseria públiku-privadu sira hodi habelar kampaña no inisiativa seguransa roduviária ne’ebé lori mudansa pozitivu ba Timor-Leste.

Enviadu Espesiál ONU vizita Timor-Leste atu halo advokásia ba implementasaun efetiva hosi Planu Globál ba Dekade Asaun Seguransa Rodaviária nian 2021-2023, ne’ebé ho objetivu atu hamenus númeru vítima sira iha estrada to’o 2030.

“Maske la’o ba oin iha rejiaun ne’e, estrada sira-ne’e sei sai nafatin oho-na’in prinsipál ba labarik sira iha mundu tomak, tanba ne’e mak tempu atu atua hodi proteje ema vulneravél sira iha estrada,” nia afirma

Prezidente Ramos Horta, ho ninia dedikasaun ne’ebé boot tebes ba povu Timor-Leste nia moris-di’ak, hateten importánsia hodi hasa’e padraun seguransa estrada no infraestrutura sira hodi hamenus asidente sira.

Ba Timor-Leste, nia kna’ar nu’udar Sekretáriu Jerál ONU nian ba Enviadu Espesiál ba Seguransa Estrada mak atu apoia Prezidente Ramos Horta, Governu no parte interesada sira iha sira-nia servisu atu harii estrada sira ne’ebé seguru no sustentavél ba ema hotu.

Tanba mate no kanek tanba tráfiku iha estrada nafatin sai hanesan dezafiu boot ida ba saúde no dezenvolvimentu globál.

Akontesimentu tráfiku estrada nian mak oho labarik no foin-sa’e sira ho idade tinan lima to’o 29 no kauza mate ba da-12 iha mundu tomak.

Tuir Organizasaun Mundiál Saúde foun (OMS) Relatóriu estatutu globál kona-ba seguransa rodaviária 2023, hateten katak 28% husi fatál tráfiku estrada hotu-hotu akontese iha Sudeste Aziátiku, reprezenta númeru absoluta, númeru fatál mundiál ne’ebé aas liu iha estrada.

Rejiaun ne’e relata katak ema na’in 16.1 mate kada populasaun na’in 100.000 tanba dezastre tráfiku estrada, to’o dala tolu aas liu husi média Europeia 5/100,000 (OMS 2023).

Tuir Organizasaun Mundiál Saúde nian, mortalidade iha Timor-Leste maka 12 husi ema na’in 100,000 (OMS 2023). Karik iha 25% husi fatál tráfiku estrada iha nasaun ne’e dezde tinan 2018 (OMS, 2023), estrada aat reprezenta kauza prinsipál ida ba fatál sira iha nasaun ne’e, liuliu entre jerasaun foin-sa’e no mane sira (OMS, 2019).

Iha dekade liu ba, Timor-Leste fó prioridade atu hadi’a rede estrada nasionál no aumenta númeru kondutór sira ne’ebé hetan lisensa legál liu hosi sentru teste sira atu hadi’a koñesimentu kona-ba regra estrada nian.

Kampaña sensibilizasaun públiku kona-ba seguransa rodaviária mós habelar ona, kestaun sira hanesan halai karreta no motór ho kondisaun lanu, halai karreta ho motór ho velosidade aas no seguransa ba ema la’o ain sira.

Notísia relevante:PNTL sei maximiza servisu tránzitu to’o postu administrativu sira iha 2024

Jornalista: Hortencio Sanchez

Editór      : Florencio Miranda Ximenes

iklan
iklan

Leave a Reply

iklan
error: Content is protected !!