iklan

DILI

MESSK entrega sertifikadu ba Profesór Ensinu Superiór Privadu 120

MESSK entrega sertifikadu ba Profesór Ensinu Superiór Privadu 120

Ministru Ensinu Superior Siénsia no Kultura (MESSK) José Honório Jerónimo abertura no entrega seritikadu ba profesór iha ensinu superiór privada sira. Osória Marques

DILI, 09 fevereiru 2024 (TATOLI)—Governu liuhosi Ministru Ensinu Superiór Siénsia no Kultura (MESSK), sesta ne’e, entrega sertifikadu ba profesór ensinu privadu 120 hosi instituisaun ensinusuperiór privadu sira-ne’ebé tuir formasaun lingua portugeza hahú fulan marsu to’o iha novembru tinan kotuk.

“Moralmente nafatin dezenvolve no promove nafatin língua portugeza tanba importante tebes ba ita, tanba língua tetún ho portugés ne’e lian ofisial. Nune’e, profesór 120 hosi Ensinu Superiór hotu-hotu iha territóriu nasionál ohin simu ona sertifikadu no ida-ne’e, ita nafatin fó kursu língua portugueza ba profesór sira. Hein katak pasu importante ba profesór atu kontinua aprende lian portugés hodi dezenvolve ita-nia koñesimentu ho lian portugés,” Ministru Ensinu Superiór Siénsia no Kultura (MESSK), José Honório Jerónimo, hateten ba jornalista sira, hafoin entrega serimónia abertura ba formasaun lingua portugeza ba dosente sira hosi ensinu superiór privadu no entrega sertfikadu ba formandu sira 2023 nian, iha salaun Auditória Arkiva no Muzeu Rezisténsia Timorense (AMRT), sesta ne’e.

Ba oin ministériu disponível hodi instituisaun ensinu superiórsira-nia profesór tenke tuir kursu atu mellora liután iha ensinu superiór sira.

“Ita halo melloramentu kursu língua portugeza ba ensinu superiór privada sira. Ohin mós reprezenta profesór aprezenta língua portugeza ho di’ak tebes, nune’e bele aplika iha komunidade sosiedade no iha universidade,” nia dehan.

Profesór Institutu Superiór Cristal (ISC), Fakuldade Siénsia Saúde, Departamentu Parteira, Esterlita Madeira, hateten kurus lingua portugeza importante hodi aprende tanba bele aplika iha prosesu aprendizajen iha ensinu superiór sira.

“Tanba ne’e, ha’u iha rekmendasaun ba MESSK atu iha netik planu ida ba kada instituisaun hotu-hotu, atu nune’e dosente hotu iha instituisaun sira atu bele hola parte kursu ida-ne’e. Kursu ne’e di’ak no importante tanba kursu gratuita hodi ema hotu bele asesu,” nia dehan.

Nia sujere ba instituisaun sira atu iha planu hodi profesór sira bele hola parte ba prosesu aprendizajen, mós ba komunikasaun entre ema ida ho ema seluk ne’ebé ho lian portugés

Profesór Universidade da Paz (UNPAZ), Jonio dos Santos, rekomenda ba Governu atu profesór sira tenke frekuenta eskola pelumenus tinan tolu ho lian portugés.

“Liga ho kursu lingua protugés, ha’u rekomenda ba Governu tenke aplika sistema edukasaun ne’ebé relativa ho baxarelatu mak profesór sira-ne’e tenke frekuenta eskola pelumenus tinan tolu hanesan ne’e, nune’e sé mak hakarak sai dosente ne’e nia tenke hetan diploma maibé tenke ho meteria oioin hanesan metodolojia hanorin,” nia dehan.

Jornalista : Osória Marques

Editór        : Cancio Ximenes

iklan
iklan

Leave a Reply

iklan
error: Content is protected !!