DNFM halo teste laboratóriu ba produtu aimoruk iha 2023 hamutuk 18
DILI, 04 fevereiru 2024 (TATOLI)–Dirasaun Nasionál Farmasia no Medikamentu (DNFM) iha Ministériu Saúde halo teste laboratiu ba produtu aimoruk hamutuk 18 hodi konfirma nia kualidade iha 2013 hamtuk 18 iha Austrália.
Produtu aimoruk sira-ne’e mak hanesan Insulin-N, Dexamethasone 4mg tablet, APD Simbas 20 mg tablet, APD aspirin 76mg tablet, Alenolol 500mg tablet, Ampicilin Injection, Bislol 5mg tablet, Moxivec.500mg (amoxicililin 500mg) Dawakof Syrup 60 ml, Ferroz Sulfate 200 mg, Bromicent Syrup 60 ml, Paracetamos Syrup 60 ml, Dexamnethasone 4mg, Ibuprofen 400 mg, Mukorid Syrup. Zincelli Syrup, Epivec 1mg/1ml injection hosi nasaun sira hanesan India, pakistan, Bagladesh no Indonesia.
Xefe departamentu Jestaun no Autorizasaun no Introdusaun Medikamentu liuhosi DNFM, Teodoro de Jesus, hateten rezultadu hodi teste laboratóriu ne’e hatudu katak produtu rua hanesan hasai ninia venda iha merkadu, tolu laiha kualidade tuir padraun, rua iha hela prosesu no restante liu teste konfirmadu kualidade.
“Ita iha akordu ho Governu Austrália hodi teste livre, ita haruka sasán ho dokumentu ho produtu. Produtu sira-ne’e hamutuk 18 ne’ebé balun pasa iha kualidade no balun latuir kulaidade,” nia dehan.
Teodoru de Jesus dehan durasaun ba teste aimoruk sira entre fulan ida to’o fulan tolu, depende ba pedidu ba kada produtu kazu alerta iha país.
Tuir nia, aimoruk sira-ne’ebé iha planu akordu no urjente parseiru hosi Governu Austrália fó teste ba iha produtu aimoruk sira hodi garante kualidade.
Teste ba produtu aimoruk sira-ne’e atu hatene kona-ba kualidade aimoruk no hatene prazu aimoruk sira ezemplu aimoruk iha temperatura Europa mai iha Timor, nia iha ne’ebá prazu hotu tinan 1 bele auguenta ba fulan neen de’it iha Timor-Leste.
“Ita iha zona B ho temperatura 30 grau, tanbaba europa iha temperatura 25 grau, tanba ne’e ezemplu se iha durasaun tinan ida, iha ne’e fulan neen de’it. Ida-ne’e kritéria ida hosi Governu,” nia hateten.
DNFM arekada taxa ba importasaun aimoruk rihun $50
Xefe Departamentu Jestaun no Autorizasaun no Introdusaun Medikamentu liuhosi DNFM, Teodoro de Jesus, realsa, DNFM arekada osan hamtuk rihun $50 ba kofre Estadu hosi empreza hamutuk 14 ne’ebé importa aimoruk, liuhosi rejistu importasaun aimoruk hosi empreza ka klinika privada sira.
Nia esplika, empreza sira importa aimoruk sira ho prazu durasaun tinan tolu tuir lei ne’ebé rigor iha Timor-Leste.
Aimoruk sira-ne’ebé empresa sira importa ne’e maioria ho tipu patent ne’ebé nia kualidade no produtu konbinasaun rua ezemplu Calcium mineral 600 mg, clotimazole 10mg, Cefuroxime-Clavulanat 500mg-125mg.
Importasaun aimoruk jeneriku ne’e maioria importa hosi Governu ne’ebé iha tipu kuliadade ida de’it ezemplu aimoruk Paracetamol.
Empresa sira-ne’ebé halo importasaun ba aimoruk mak hanesan Farmacia Moris Foun, Istana Group, Farmaguest, Bethesda Husada, Kura Hao, Foho Osan Mean, StandFord Medical, Vintro Horas, Integrated Care Clinic, Costa Gibran 2, Oceano, Inti Sumber Ricna, Fastep no 3D Life Scines.
Jornalista : Jesuína Xavier
Editór : Cancio Ximenes
