DILI, 08 marsu 2024 (TATOLI) – Diretór Jerál Ministériu Ensinu Superiór, Siénsia no Kultura (MESSK), Maria Filomena Lay, hateten iha setór edukasaun ne’e kurríkulu mós sai fatór importante atu lori Timor-Leste adere ba Association of South East Asian Nation (ASEAN).
Notísia Relevante: Dirijente ME-MESSK 87 tuir formasaun kona-ba prosesu adere ba ASEAN
“Kona-ba kurrikulu ne’e importante tebes tanba ita atu adere ba ASEAN, ita-nia kurríkulu ne’e mós sai fatór importante, tanba sei iha mobilidade estudante no mobilidade dosente sira. Entaun, dadaun ne’e ita halo hela revizaun ne’e iha relasaun ho kurríkulu,” Maria Filomena Lay hateten ba Agncia Tatoli, iha INFORDEPE, Balide, kinta (07 marsu 2024) ne’e.
Ministériu Ensinu Superiór, Siénsia no Kultura (MESSK) hola parte iha reuniaun iha nivel ensinu superiór nian, no iha programa balun ne’ebé atu envolve maibé Timor-Leste (TL) hanesan nasaun ne’ebé foin hahú no bainhira tama ba ASEAN tenke hakaas-aan.
“Labele haluha TL hanesan nasaun foun, maibé neineik ba beibeik hadi’a área ne’ebé presiza hadi’a, nune’e kumpre buat balun ne’ebé iha desizaun komun. Ita hotu-hotu tenke hola parte no kumpre saida de’it mak iha. Ha’u hanoin ita prontu ona, ita-nia instituisaun la’o hela, ita mós iha avaliasaun hosi ANAAA ba iha kursu sira-ne’ebé iha ensinu superiór,” nia hateten.
Tanba ne’e, nia husu ba direjente hotu-hotu iha Ministériu Edukasaun (ME) no Ministériu Edukasaun ho Ministériu Ensinu Superiór Siénsia no Kultura (MESSK), tuir hela formasaun kona lala’ok iha Association of South East Asean Nation (ASEAN).
Notísia Relevante: Horta promete lori Timor-Leste adere lalais ba ASEAN
Jornlista : Osória Marques
Editór : Cancio Ximenes
