Top

Ministériu Públiku konklui investigasaun ba kazu ilísitu ba droga

Arguidu na'in-sia ba kazu ilisitu ba droga bainhira ba halo primeiru interrogatóriu iha Tribunál Distritál Dili, segunda (15/08/2022). Imajen Tatoli/António Daciparu

DILI, 04 abríl 2024 (TATOLI) – Ministériu Públiku konklui ona kazu tráfiku no atividade ilísitu ba droga. Iha fulan-Abríl ikus ne’e, sei submete ba julgamentu liuhosi Tribunál Judisiál Primeira Instánsia Dili.

“Sim, kazu droga ne’ebé mosu iha tinan 2022, ha’u hanesan Prokuradór ne’ebé kaer kazu ne’e, konklui ona prosesu investigasaun no kazu ne’e laos envolve hosi arguidu na’in-sia, maibé arguidu ema 12. Iha fim abríl ne’e sei haruka nia akuzasaun mai Tribunál Judisiál Primeiru Instánsia Dili hodi bele submete ba julgamentu”, Prokuradór Matias Soares hateten ba jornalista iha Tribunál Judisiál Primeira Instánsia, kinta.

Rekorda fali katak iha sesta (12/8/2022) ekipa intelejénsia detein arguidu na’in-sia, ho inisiál DGS, MM, B, MAA, AY, SSO, M, CRMS ba kazu tráfiku no atividade ilísitu droga, tanba deskonfia arguidu sira subar droga iha sira-nia uma no arguidu sira mós konsumu droga iha sira nia rezidénsia.

Notísia relevante : Kazu ilísitu droga, TR seidauk foti desizaun rekursu MP kona-ba arguidu na’in-sia

MP prepara rekursu kontra desizaun TDD ba kazu tráfiku no ilísitu droga

Laiha faktu sufisiente, TDD aplika TIR ba arguidu nain-sia ba kazu ilísitu droga

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!