iklan

SAÚDE

MS apela ba negosiante sira labele faan ai-moruk iha kioske

MS apela ba negosiante sira labele faan ai-moruk iha kioske

Aimoruk sira iha armazen Servisu Autonomu Medikamentu no Ekipamentu Saúde (SAMES) iha Kampu Alor Dili. Imajen Tatoli/Francisco Sony

DILI, 11 abril 2024 (TATOLI)–Inspetór Jerál Saúde iha Ministériu Saúde (MS), Horacio Fernandes Ribeiro, husu ba negosiante sira atu labele faan produtu ai-moruk iha kioske, tanba labele garante kualidade ai-moruk.

Responsável ne´e hateten, Dirasaun Inspesaun Jerál halo apreensaun ba botir hasai raan nian iha sentru saúde no ospital sira iha kioske ida iha Comoro, tanba negosiante sira lahetan lisensa ba faan ai-moruk produtu ospitalar.

“Entidade hirak ne’ebé ke hetan autorizasaun hosi SERVE hanesan loke kioske sira-ne’e mós kadavez hakarak uitoan faan ne’e la’ós kompeténsia ami-nian, maibé ami iha kompetésia tomak atu foti/ Ezemplu, iha fulan rua liuba, ami foti botir hasai raan nian ne’ebé sira faan,” Inspetór Jeral MS, Horacio Fernandes Ribeiro, hateten ba Agência Tatoli, iha Caicoli, kinta ne e.

Inspetór ne’e hateten, ngosiante sira hakarak hetan rendimentu maibé ida-ne’e ema hotu labele faan tanba só ema ne’ebe iha lisensa ba negósiu mak bele faan ai-moruk sira-ne´e.

“Ema ne’ebé faan ai-moruk tenke iha lisensa, iha fatin apropriadu hanesan iha AC laran hanesan ekipamentus saúde no ai-moruk ne’e iha fatin ida asegura para fó benefisiu ba ita-nia povu ne’ebé presiza. Se lae, rai iha manas nia laran nia kuliadade lakon,” nia dehan.

Iha artigu 3 Dekretu-Lei nú. 12/2004, 26 maiu, deskreve katak atividade sira importasaun, armazenamentu, faan tomak ka retallu no exportasaun ai-moruk ba ema atu uza bele hala’o hosi entidade sira-ne’ebe rejista tuir prezente lei aplikada ba rejistu negósiu no hetan lisensa hosi Comisaun Reguladora ba Atividade Famarceutika.

Iha Dekretu-Lei ne’e mos aplika rekezitu ba faan-na’in sira hanesan sede, prova kontratu, sertifikadu, lokalizasaun ba importasaun no armazenamentu no meiu de transporte ba importasaun.

Nune’e mós iha validade ba iha verifikasaun, validade ba rejistu no kuliafikasaun ba meiu sira hanesan transporte no instalasaun hodi faan.

Husu kona-ba oinsa MS nia kontrolu ba inspensaun ba iha lisensiamentu ai-moruk, inspetór ne’e hateten, seidauk hetan ai-moruk sein iha lisensa iha farmasia no klinika sira.

Jornalista : Jesuína Xavier

Editór       : Cancio Ximenes

iklan
iklan

Leave a Reply

iklan
error: Content is protected !!