EKONOMIA, BOBONARO, HEADLINE, MUNISÍPIU

Aldeia 12 iha Bobonaro sei hetan projetu eletrifikasaun

Aldeia 12 iha Bobonaro sei hetan projetu eletrifikasaun

Supervizór EDTL,E.P, munisípiu Bobonaro, Mário de Jesus Soares, tersa (08/09). Imajen Tatoli/Sérgio da Cruz.

BOBONARO, 28 maiu 2024 (TATOLI)-Eletrisidade Timor-Leste, Empreza Públika (EDTL,EP) halo esforsu iha tinan 2024 ne’e sei implementa projetu eletrifikasaun ba aldeia 12 iha munisípiu Bobonaro ne’ebé durante tinan barak halerik ba enérjia elétrika.

Deklarasaun ne’e hato’o husi Koordenadór EDTL,EP munisípiu Bobonaro, Mário de Jesus, liuhusi entrevista ho jornalista Ajénsia Tatoli iha edifísiu EDTL,E.P Maliana, tersa ne’e.

Notisia relevante: Komunidade Leber halerik Eletrisidade – Estrada, PR sei hato’o ba Governu

“Ita iha aldeia 12 mak agora daudaun seidauk kobre liña eletrisidade,nmaibé tama hotu ona iha prosesu, tinan ida-ne’e sei kobre hotu aldeia sira-ne’e, tanba ami foti ona levantamentu dadus no hato’o ona ba nasionál,” Mário de Jesus hateten

Jerente EDTL,EP munisípiu Bobonaro ne’e dehan, aldeia 12 ne’e pertense ba postu administrativu Bobonaro no Lolotoe ho totál uma-kain kuaze 2.000 resin.

Aldeia 12 ne’e husi postu administrativu Bobonaro mak hanesan; suku Leber ho totál aldeia haat Mabeliz, Holbese, Holsa-Taz no Leber-Taz. Hosi parte uku Ai-Asa mak aldeia Odelgomo, Laho no Mazop.

Enkuantu postu administrativu Lolotoe suku Lupál komposta hosi aldeia Silagolo, Dilai.

Hosi parte suku Opa mak aldeia Tepa, Holla’ak no suku Guda, mak aldeia Guda-Taz.

“Aldeia 12 tama hotu ona, munisípiu Bobonaro suku 50, aldeia 193 ne’e 100% hetan ona liña eletrisidade, tanba postu administrativu sira hanesan Atabae, Balibó, Maliana hetan hotu ona eletrisidade, agora suku Goulolo, Cailaco mós tama ona iha projetu Eletrifikasaun Komunitária (PEK),” nia hateten.

Tuir dadus tinan 2022, munisípiu Bobonaro iha suku 50, aldeia 194 hot totál populasaun 106,543, komposta hosi mane 53,579, feto 52,964 ho totál xefe família 20,802.

Notisia relevante: Abitante Mazop-Laho halerik ba eletrisidade no saúde

Jornalista: Sergio da Cruz
Editór: Evaristo Soares Martins

iklan
iklan

Leave a Reply

iklan
error: Content is protected !!