EKONOMIA, BOBONARO, HEADLINE, MUNISÍPIU

Anin sobu uma ida iha suku Mali-Ubu

Anin sobu uma ida iha suku Mali-Ubu

Uma ne'ebé hetan estragus husi dezastre naturál iha suku Mali-Ubu, postu administrativu Bobonaro, munisípiu Bobonaro. Imajen espesiál.

BOBONARO, 04 juñu 2024 (TATOLI) – Dezastre naturál ne’ebé akontese iha loron-segunda, 03 maiu ne’e rezulta anin sobu estraga uma ida iha aldeia Mali-Ubu, suku Mali-Ubu, postu administrativu Bobonaro, munisípiu Bobonaro.

Xefe suku Mali-Ubu, Quintiliano Barros Fernandes, informa, temporariamente vítima sira hela ho família ne’ebé besik.

“Situasaun ne’e grave, sé momentu ne’e mak evakuasaun mak la lalais, iha avo oan ida bele mate iha uma-laran, maibé la konsege, sorte avo ne’e hetan uma ne’e nakloke nia dehan imi mai foti lalais ha’u,” nia informa ba jornalista sira iha Maliana, tersa ne’e.

Xefe suku Mali-Ubu rekomenda ba Sekretária Estadu Protesaun Sivíl atu fó apoia rekuperasaun ba vítima afetadu husi dezastre naturál ne’e.

“Atu nune’e sira bele konstrui fali sira-nia uma, tanba ha’u haree situasaun ne’e grave,” nia katak.

Komandante Autoridade Protesaun Sivíl Munisípiu Bobonaro, Inspetór Polísia José Lelo Bere, informa, hafoin akontesimentu ekipa sira tún kedas ba halo levantamentu dadus no fó apoia urjénsia hodi responde ba nesesidade loron balun nia.

Inspetór José Lelo Bere dehan, família vítima sei hetan apoia rekuperasaun, tanba ne’e kategoria estragu grave.

“Aban ita aprezenta ona relatóriu ba atu hetan apoia rekuperasaun iha suku Mali-Ubu nian,” José Lelo Bere katak.

Notísia relevante: Autoridade Bobonaro apoia vítima dezastre naturál iha Lolotoe

Jornalista   : Sérgio da Cruz
Editór          : Evaristo Soares Martins

iklan
iklan

Leave a Reply

iklan
error: Content is protected !!