Janeiru-maiu 2024: Servisu Saúde Ermera rejista dengue 66
DILI, 04 juñu 2024 (TATOLI)–Diretór Servisu Saúde munisipiu Ermera (SSE), António de Deus, hateten husi janeiru to’o maiu ne’e, servisu saúde munisipál Ermera rejista kazu dengue hamutuk 66.
“Dengue iha munisípiu Ermera to’o mai ohin, rejista ona hamutuk 66 hosi janeiru mai to’o agora. Husi totál kazu ne’e, liuliu iha fulan-maiu ne’e rejista kazau dengue neen (6),” Diretór Servisu saúde Ermera ne’e, iha Novu Turizmu, nakait ho enkontru entre parseiru no diretór servisu saúde no edukasaun munisipál kona-ba introdusaun vasina Human Papillomavirus (HPV).
Nia hateten, pasiente sira afetadu ho dengue iha situasaun no konduisaunServisu saúde munisi kmaan, tanba ne’e mak sira halo tratamentu iha fasilidade servisu saúde Ermera nian.
Politikamente, servisu saúde munisipál hala’o beibeik promosaun edukasaun saúde ba populasaun oinsá haloot lata sira-ne’e hamoos ambiente, fomigasaun masál no ba pasiente sira-nia hela fatin.
Nia hateten, servisu saúde Ermera mós fahe ai-moruk abate ba populasaun sira hodi bele tau iha bee iha tanke sira iha uma, liuliu ba populasaun ne’ebé afeta liu ba dengue.
“Abate ne’e daudaun ita konta dehan fahe ba área afetadu sira hanesan Railaco no Gleno-Ermera ita fahe hotu kedas,” nia dehan.
Jornalista : Jesuína Xavier
Editór : Cancio Ximenes
