iklan

BOBONARO, HEADLINE, MUNISÍPIU, SEGURANSA

Janeiru-juñu, PNTL Bobonaro halibur reseita rihun $20-resin

Janeiru-juñu, PNTL Bobonaro halibur reseita rihun $20-resin

Agustinho Gomes, Komandante PNTL Munisípiu Bobonaro. Imajen/Tatoli

BOBONARO, 20 juñu 2024 (TATOLI) – Hahú husi fulan-janeiru to’o loron 20 fulan-juñu tinan 2024 ne’e, Polísia Nasionál Timor-Leste (PNTL) komandu Polísia Munisípiu Bobonaro liuhusi seksaun tránzitu seguransa rodoviáriu halibur reseitas hamutuk rihun $20 hodi kontribui ba kofre estadu.

Reseitas hirak-ne’e rekolla liuhusi atividade pasa revista ba transporte públiku no privada inklui atividade kontrolu seguransa rodoviaáiu loro-loron iha kapitál Maliana no postu administrativu sira.

Komandante PNTL Munisipál Bobonaro, Superintendente Xefe Agustino Gomes da Silva, informa infrastór ne’ebe kontra dekretu-lei kódigu estrada hamutuk ema na’in-441 no infrastór sira-ne’e komete infrasaun sira hanesan kontra orden autoridade, la uza kapasete, dukumentu veíkulu liu prazu, karta kondusaun laiha no liu prazu no uza kanu-resin.

Notísia relevante: PNTL Bobonaro halo apreensaun bís ualu

“Ita aplika koima ba infrastór sira ne’e viola lei tránzitu, hahú janeiru to’o agora ita hatama osan ba estadu $20,882 iha fulan neen nia laran,” nia aprezenta relatoriu ne’e liuhosi enkontru Konsellu Seguransa Munisipál, iha kuartél PNTL Munisípiu Bobonaro, kinta ne’e.

Nia dehan, durante fulan-neen nia laran PNTL munisípiu Bobonaro mós rejista asidente tráfegu hamutuk 34 ne’ebé envolve karreta ho motorizada no husi asidente hirak-ne’e rezulta ema na’in-rua lakon vida iha parte postu administrativu Balibó.

“Nia kazu mate tanba hemu lanu tiha, lori motór iha dalan no monu rasik, soke rasik rai-hun sira ne’e, ida ne’e mak kauza na’in-rua ne’e mate,” nia hateten.

Atu prevene no redús asidente tráfegu iha futuru, Komandante PNTL Munisípiu Bobonaro ne’e hasai ona orden polisiál ba seksaun tránzitu seguransa rodoviáriu, komandante eskuadra sira no apoia husi seksaun rezerva intervensaun rápida, atu identifika patrullamentu movél kalan no loron atubele kontrola no eduka utente rodoviariu sira konduz transporte públiku iha loron públiku tenke kumpre lei kódigu estrada.

“Motorizada ka karreta ne’ebé inveta lian la orijen, halo barullu ne’e, ha’u haruka polísia kaer mai halo prosesu no aplika multa, depois karreta sira tau lampu sorot boot sira-ne’e ami hetan hasai tiha, tanba ne’e fó ameasa ba ema-nia vida,” nia fó hanoin.

Notísia relevante: Janeiru-maiu, PNTL Bobonaro rejista kazu tranzasaun ilegál 61

Jornalista: Sérgio da Cruz
Editór: Evaristo Soares Martins

iklan
iklan

Leave a Reply

iklan
error: Content is protected !!