iklan

EKONOMIA, HEADLINE, MUNISÍPIU, OÉ-CUSSE (RAEOA)

RAEOA promove produtu lokál iha nível suku

RAEOA promove produtu lokál iha nível suku

Sekretáriu Rejionál bá Asuntu Saude, Luís de Jesus Neno. Imajen Tatoli/Abílio Elo Nini.

OÉ-CUSSE, 20 juñu 2024 (TATOLI) – Serbisu Saúde Rejiaun Administrativa Espesiál Oé-Cusse Ambeno (RAEOA), sei halo promosaun ba produtu lokál sira iha nível suku no aldeia sira hodi kontribui redús kazu má-nutrisaun iha Oé-Cusse.

Notísia relevante: UNMICS lansa programa nutrisaun integradu iha suku sia

“Ita sei kontinua halo sosializasaun ba sub-rejiaun sira, alvu ba suku lima ne’ebé enfrenta dadus má-nutrisaun aas, iha mós estratéjia seluk, halo promosaun jerál ba nível suku no aldeia sira, tantu kalan no loron,” Sekretáriu Rejionál ba Asuntu Saúde, Luís de Jesus Neno, ko’alia iha salaun Dominkana Oé-Cusse, kuarta ne’e.

Membru autoridade ne’e, dehan, presiza fasilita formasaun ba lidér komunitária no grupu suporta inan isin rua sira, nu’udar esforsa oinsa redús no rezolve kazu má-nutrisaun iha Oé-Cusse.

“Ita sei halo mós demostrasaun ai-han lokál, nune’e ita-nia inan sira iha bairru, aldeia no suku atu konsumu ai-han ne’ebé saudavél, tanba produtu lokál nakonu ho nutrisaun, maibé tanba menus koñesimentu, nune’e liuhusi atividade grupu, sira bele halo demostrasaun atu hatudu katak, tenki hadomi produtu lokál atu konsumu, maibé antes atu konsumu tenki tein halo no prepara oinsa atu fó ba inan isin rua sira no labarik sira-ne’ebé foin moris,” nia hateten.

Durante ne’e implementa ona atividade imunizasaun kada fulan tenke tetu labarik sira atu hatene tuir nia todan, tanba liuhusi ne’e bele hatene sira-nia todan tún ka sa’e, tanba bainhira ita halo promosaun demostrasaun ai-han hatudu ai-han ne’ebé iha nutrisaun aas, família sira tenke fó konsumu ba oan sira, bele uza haan ho produtu lokál ho nutrisaun aas.

“Karik nia todan ne’e sa’e entaun hatudu progresu, maibé kuandu la sa’e entaun persiza halo tratamentu keta iha moras ruma mak impede to’o nia todan ne’e tuun bebeik to’o sofre má-nutrisaun,” nia dehan.

Notísia relevante: Sekretáriu Rejionál Saúde Oé-Cusse otimista rezolve kazu má-nutrisaun

Xefe Departementu Planifikasaun atividade nutrisaun iha Diresaun Nasionál Nutrisaun Ministériu Saúde, Melita Monteiru, espera liuhusi formasaun ne’e bele iha konsiénsia hodi habelár informasaun sira-ne’e, atu konsumu ai-han saudavél liuhusi dieta ne’ebé saudavél ai-han ne’ebé nutritivu no balansu, nune’e bele prevene kazu má-nutrisaun.

Tanba, nida dehan, tuir dadús raes badak Oé-Cusse okupa fatin datoluk iha Timor-Leste ho 57%, no todan menus ho krekas aas iha Timor-Leste okupa fatin dahuluk.

“Entaun ida-ne’e mak ohin informasaun mensajén no rekomendasaun husi Ministériu Saúde, nune’e bele prevene ita-nia problema má-nútrisaun  no moras la hada’et ne’ebé daudaun 50% iha ita-nia rai, husi tensaun aas, ran midar, atakasaun fuan, struk no kankru,” nia afirma.

Notísia relevante: Espoza Embaixadór sira apoia programa Xefe Estadu ba kombate má-nutrisaun iha TL

Entretantu, bazea dadús survey husi Timor-Leste Food and Nutrition Suvey (TLFNS, sigla inglés) iha 2020, Timor-Leste enfrenta kazu Stunting ne’e 47% no aas ona iha nivél rejionál no RAEOA okupa fatin datoluk iha Timor-Leste atinje 57% depois Ermera 63% no Ainaro.

Purtantu, bazea livru 3C RAEOA-ZEESM nian iha 2021, prevista dadus Peskija Timor Leste Living Standard Survey iha 2014 hatudu katak, indise liña ki’ak iha Oé-Cusse atinje 62.2% hatudu katak fó atensaun maka’as ba planeamentu dezenvolvimentu rejiaun ekonómia komunidade. 

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!