g7+ toka pontu importante neen iha simeira ONU
NOVA IORKE, 22 setembru 2024 (TATOLI)– Organizasaun intergovernamentál g7+ relata pontu importante neen durante simeira nivél aas ne’ebé ko’alia kona-ba futuru ne’ebé realiza iha edifisiu Organizasaun Nasaun Unida (ONU) durante ámbitu Asemblea Jerál Nasaun Unida ba dala-79.
Tema prinsipál Simeira ba Futuru mak “Solusaun Multilateral ba Futuru Diak Liu”, Durante intervensaun, g7+ reprezenta husi Prezidente Republika Sierra Leone Julius Maada Bio ne’ebé kualiade hanesan mós Prezidente ba organizasaun intergovernamentál ne’e.
Notísia relevante: g7+ relata importánsia diálogu inkluziva, rekonsiliasaun no promove pás iha konferénsia prevensaun konflitu ONU
Iha ámbitu diskursu durante minutu tolu iha ema nasaun oioin iha mundu nia oin, Juulius lori naran grupu g7+, maske hanesan Xefe Estadu Sierra Leone.
“Hanesan Simeira ida-ne’e hanesan mapa husi dalan ba transformativu ne’ebé inkluzivu liu. Ami hosi organizasaun g7+ hakarak foka liu ba asuntu neen ne’ebé importante tebes iha simeira ida ne’e,” Prezidente Sierra Leone hateten, iha nia intervensaun.
Pontu importante neen ne’ebé toka iha simeira ONU nian ne’e mak hanesan.
1. Apela ba importansia husi nain rasik ba nasaun no governasaun inklusiva.
g7+ halo advokasia nain ba prosesu dezenvolvimetu no sistema katak esforsu hodi resolve fragilidade liu husi diálogu, rekonsiliasaun no governasaun
inklusiva.
2. Promove dezenvolvimentu sustentavel iha nasaun afetadu husi konflitu. Apela ba hametin ou aumenta koopera saun internasional, mekanizmu finanseiru ne’ebé inovativu no uza aproximasaun ne’ebe kontextual hodi garantia katak laiha nasaun ida mak husik iha kotuk.
3. Promove pás no seguransa internasional. Apela ba hasa’e esforsa multilateralismu no solidariedade globál, prevensaun no rezolusa un konflitu.
4. Investe iha siénsia, teknolojia no inovasaun no kooperasaun digitál.
5. Joven sira no jerasaun futuru hanesan ajente ba mudansa.
6. Transforma governasaun global no reforma konsellu Seguransa hodi inklui
reprezentante membru konsellu seguransa ne’ebé luan hodi foti dezisaun
kona-bá pás no seguransa globál.
Iha sorin seluk Sekretáriu Jerál g7+, Helder da Costa, hateten intervenssun g7+ nian hosi Prezidente Serra Leone iha simeira ne’e importante atu promove nafatin pás.
“Ita ohin marka tan istoria ida tanba foin dalauluk organizasaun intergovernamentál ida mai hato’o intervensaun dalauluk iha simeira nivél aas ne’e,” Helder hateten.
Tuir nia, pontu neen ne’ebé Xefe Estadu Sierra Leone hato’o importante liu mak kona-ba husu reforma konsellu seguransa ONU nian, nasaun osidentál sira tenke tau atensaun maka’as ba mudansa klímatika no kontinua hametin pás iha nasaun hotu.
Rekorda fali katak, iha tinan 2020 iha ambitu deklarasaun ba komemorasaun estabelesimento Nasaun Unida ba dala 75, membru estadu apela ba Sekretariu Jeral, Antonio Guterres atu dezenvolve ou kria rekomendasaun hodi rezolve dezafiu atuál no futuru.
Nune’e, Sekretáriu Jerál, António Guterres, públika ‘Our Common Agenda ou Nossa Agenda Comum’ ne’ebe identifika opsaun hodi rekonstrui kooperasaun governasaun global no multilateralismu iha Nasaun Unida.
Sekretáriu Jeralál propoin atu konvoka Simeira ba Futuru ho tema “Atinje konsensu globál foun konaba oinsa ita nia futuru no saida mak ita bele halo ohin loron hodi proteje futuru”
Eventu altu nivel ne’e partisipa husi Nasaun Membru ONU sira, ajénsia ONU, sosiedade sivil, akademíku, setór privadu no Joven.
Simeira ne’e adopta Pakote ba Futuru ou ‘Pact for the Future’ – Dokumentu finál ne’ebé orienta asaun, no hetan aprova saun konsensu husi membru estadu sira.
Jornalista: Hortencio Sanchez
Editór: Florencio Miranda Ximenes
