iklan

DILI

Zezito da Silva no Madalena Carlos nomeadu sai vise Konsellu Diretivu TATOLI,I.P

Zezito da Silva no Madalena Carlos nomeadu sai vise Konsellu Diretivu TATOLI,I.P

DILI, 03 fevereiru 2025 (TATOLI) – Sekretariu Estadu Komunikasaun Sosiál (SEKOMS),  liuhusi despaixu Nú. 01/SECS/I/2025 nomeia Zezito da Silva, nu’udar Vise-prezidente asuntu Media no Jornalístika no Madalena P. Carlos, sai Vise-prezidente asuntu Administrasaun no Finansa, iha TATOLI,I.P, Ajénsia notisioza Timor-Leste, ba périodu 2025-2029. Vise na’in rua ne’e, efetivamente, hala’o knaar hahú ohin (03 fevereiru 2025).

Vise-prezidente asuntu media no jornalístika, Zezito da Silva, hanesan mós jornalista dahuluk iha TATOLI, hafoin nomeasaun kompromete atu reorganiza, internalmente, ajénsia notisioza estatál ne’e.

“Ba ha’u-nia mandatu, ba Konsellu Diretivu nia mandatu, ami hanoin primeiru mak tenke organiza didi’ak fali uma laran ne’e ho didi’ak, organiza didi’ak tiha para oinsá ita bele garante dezenvolvimentu institusionál ne’e di’ak liután,” Vise Zezito da Silva hateten, ohin.

Hanesan Vise ba asuntu media no jornalístika, Zezito husu ba redasaun atu presta servisu ho profesionál hodi garante kualidade informasaun ba públiku, tuir norma jerál ajénsia notisioza nian katak Akurásia, Rigór, Independente, Izenta, Klareza, Integridade no evita Injúria (aktu ka espresaun ne’ebé ofende ema seluk no Groseria (liafuan ne’ebé indelikadeza – ko’alia ho lia-kro’at).

“Ha’u hanoin como ha’u responsável ba ida-ne’e (Asuntu media no jornalístika) husu ba jornalista sira hotu nafatin mantein ho ritmu serbisu profesional, garante kualidade notísia ne’ebé ita iha bazea ba estatutu ne’ebé mak TATOLI iha, nune’e bele fasilita públiku liuhosi informasaun ne’ebé mak kualidade. Ida-ne’e mak ita hakarak,” nia dehan.

Hanesan jornalista dahuluk ida mós iha TATOLI entre jornalista na’in neen seluk – Manuel Pinto,  Rita Almeida, Xisto Freitas, Rafael Ximenes de A. Belo, Maria Auxiliadora Freitas no Julia Chatarina Lapudooh, nune’e mós inklui jornalista sira seluk, Vise Zezito da Silva konsidera katak parte redasaun mesak jornalista profisionál tanba ne’e presiza tau aan hanesan profisionál; labele iha kór, labele kahur interrese iha redasaun, tanba bainhira akontese bele afeta ba kredibilidade ajénsia.

Nia mós husu ba jornalista atu labele dúvida ho jestór sira agora tanba halo ezersísiu maka’as atu asegura jornalista sira, nu’udar pontu primeiru, tanba jornalista iha knaar no papél importante ba sosiedade – sai matan, ibun no tilun.

“Ema labook ita-boot sira, alias ho intensaun ida atu hasai imi laiha ida, ne’ebé ita-boot sira kontinua servisu didi’ak, mantein didi’ak koordenasaun, komunikasaun sira-ne’e ho didi’ak atu garante informasaun ba públiku, ida-ne’e mak ita hakarak,” Vise Zezito da Silva garante.

“Ita-boot sira-nia preokupasaun ne’e, tanba konsellu diretivu agora tau ona lista atu rezolve um por um, ida-ne’e mak responsavel hosi konsellu diretivu nian. Ita-boot sira labele hanoin buat oioin; ita uma laran ida de’it, hadomi malu nafatin hodi serví povu no públiku no nasaun ne’e ho di’ak liután”, nia hatete.

Iha parte seluk, Vise ba asuntu administrasaun no finansa, Madalena P. Carlos, iha espetativa no esperansa atu garante kualidade instituisaun ba oin.

“Finansa no administrasaun iha ne’ebé de’it hanesan dapur (koziña), ne’ebé prepara sasan, te’in, hodi fó han funsionáriu sira iha laran entaun ita-nia dapur tenke moos; labele iha fo’er nune’e, labele ema moras. Ema tenke saudavel,” Vise Madalena kompara.

“Ha’u mai ho espetativa ida katak husi anteriór nian ne’e ita koordena hodi kontinua servisu ba oin. Entaun ho esperansa katak ba oin la’o tuir ba lei nune’e bele halo jestaun orsamentu di’ak iha TATOLI. No, ba oin ho espetativa no esperansa ne’e sei laiha buat ida kona-ba jestaun aprovasaun finansa,” nia garante.

 

Despaixu nomeasaun

 DESPACHO N.º 01/SECS/I/2025

NOMEIA OS VICE-PRESIDENTES DO CONSELHO DIRETIVO DA TATOLI-AGÊNCIA NOTICIOSA DE TIMOR-LESTE, I.P. PARA O PERÍODO 2025-2029

Considerando que nos termos do n.º 4 do artigo 12.º do Decreto-Lei n.º 21/2017, de 24 de maio, que cria a TATOLI-Agência Noticiosa de Timor-Leste, I.P., os Vice-presidentes do Conselho Diretivo são nomeados por despacho ministerial do membro do Governo da tutela, sob a proposta do Presidente do Conselho Diretivo;

Considerando que, nos termos da alínea b) do n.º 3 do Despacho n.° 05/MPCM/VIII/2023, de 4 de agosto, Sua Excelência o Ministro da Presidência do Conselho de Ministros, delegou na pessoa do Secretário de Estado da Comunicação Social, todos os poderes de tutela e superintendência sobre a TATOLI-Agência Noticiosa de Timor-Leste, I.P.;

Considerando que os Vice-Presidentes do Conselho Diretivo nomeados pelo Governo terminaram já o respetivo mandato, mantendo-se em gestão até à sua substituição ou recondução;

Considerando que os Vice-presidentes do Conselho Diretivo a nomear são pessoas de reconhecida capacidade profissional e conhecimentos técnicos adequados para o exercício das funções na agência noticiosa;

Considerado que o Decreto-Lei n.º 92/2022, de 22 de dezen bro, regula a matéria do provimento e remuneração dos titulares dos órgãos das pessoas coletivas públicas que integram

Assim, ao abrigo do n.º 4 do artigo 12.º do Decreto-Lei n.º 21/2017, de 24 de maio, que cria a TATOLI-Agência Noticiosa de Timor-Leste, I.P., e da alínea c) do n.º 5 do artigo 12.º do Decreto-Lei n.º 46/2023, de 28 de julho (Orgânica do IX Governo Constitucional), alterado pelo Decreto-Lei n.º 36/2024, de 6 de novembro, determino o seguinte:

  1. Nomear a Sra. Madalena P. Carlos, como Vice-presidente do Conselho Diretivo da TATOLI-Agência Noticiosa de Timor-Leste, I.P. para os Assuntos da Administração e Finanças;
  2. Nomear o Sr. Zezito da Silva, como o Vice-presidente do Conselho Diretivo da TATOLI-Agência Noticiosa de Timor-Leste, I.P. para os Assuntos dos Média e Jornalismo.
  3. As nomeações são feitas pelo período de quatro anos, eventualmente renováveis.
  4. Aremuneração dos Vice-presidentes do Conselho Diretivo da TATOLI-Agência Noticiosa de Timor-Leste, I.P. é fixada nos termos do Decreto-Lei n.º 92/2022, de 22 de dezembro, Remuneração e provimentos dos titulares dos órgão da Administração indireta do Estado.
  5. As presentes nomeações produzem efeitos a partir do dia 1 de fevereiro de 2025.
  6. O presente despacho entra em vigor no dia seguinte ao da sua publicação.

 

Koñese vise sira iha TATOLI,I.P

Zezito da Silva, antes hetan nomeasaun sai vise asuntu media no jornalístika iha TATOLI, hanesan jornalista, hala’o ona knaar iha instituisaun media oioin, inklui iha TATOLI, dezde embriaun. Iha TATOLI, Zezito asume ona responsabilidade nu’udar Editór notísia tetun (2019-2025), Editór notísia portugés (2020-2021), Koordenadór kobertura nasionál (2018-2019).

Zezito lisensiadu iha Departamentu Komunikasaun Sosiál (KOMSOS), Universidade Nasionál Timor Lorosa’e (UNTL). Iha UNTL hanesan estudante ativu, nia mós asume knaar nu’udar Vise Xefe Asosiasaun Estudante Departamentu Komunikasaun Sosiál (AED-CS) entre tinan 2012-2013. Nia mós iha esperiénsia nu’udar Arkivista. Iha tinan-2015, sai nu’udar arkivista iha RTTL (Rádiu no Televizaun Timor-Leste) liuhusi programa parseria.

Alende ida-ne’e, Zezito da Silva mós ativu iha organizasaun jornalista hanesan Timor-Leste Press Union (TLPU) no asume mós responsabilidade nu’udar Sekretáriu jerál (Sekjer), entre 2021-2025. Nia mós nu’udar líder, fundadór no voluntáriu ba organizasaun naun-lukrutivu oioin hanesan antigu Prezidente Movimento Estudante Universitáriu Suku Bauro, Fundadór Jornal Matadalan, Fundador União das Crianças de Timor-Leste no hetan oportunidade partisipa eventu sira iha rai-laran no mós rai-li’ur. Dezde tinan-2021 to’o agora, Zezito da Silva nu’udar mós Sekjer ba El-matadór boxing.

Entretantu, Vise Zezito da Silva nu’udar susesór ida ba Xisto Freitas da Piedade no Madalena P. Carlos substitui Olandino da Costa, iha mandatu Konsellu Diretivu anteriór prezide hosi Manuel Pinto.

Nomeasaun Vise na’in rua ne’e haktuir ba Regulamentu Internu TATOLI, “Os Vice-presidentes do Conselho Diretivo são nomeados por despacho ministerial do Membro do Governo tutela, sob proposta do Presidente do Conselho Diretivo” – Vise-Prezidente Konsellu Diretivu sira-nian hetan nomeasaun tuir despaxu ministeriál hosi Membru Governu tutela, tuir proposta hosi Prezidente Konsellu Diretivu.

 

Notísia relevante:Governu nomea Noémio Falcão nu’udar Prezidente TATOLI,I.P

Jornalista      : Osória Marques

Editór             : Rafael Ximenes de A. Belo

iklan
iklan

Leave a Reply

iklan
error: Content is protected !!