DILI, 22 Jullu 2025 (TATOLI)—Iha ámbitu Jogu Desportivu Komunidade País Lian Portugés (CPLP, sigla portugés) modalidade Voleiból Praia, iha loron datoluk, atleta feto husi Portugal bainhira halo kontra-ataka ba ekipa Mozambike konsege hetan totál pontu 42 – 24, nune’e ekipa Timor-Leste hakat bá semi-finál.
Maski ekipa Mozambike ho kondisaun ladún di’ak (ain kanek) maibé nafatin iha vontade hodi kompete maibé ekipa Portugal nafatin duni hodi ikus gaña ho set rua no tama ba semi-finál aban (23/07).
Set dahuluk Portugal ho 21, Mozambike 8, set daruak Portugal 21 no Mozambike 16. Enkuantu jogadora husi Portugal Matilde Silva no Ines Silva no jogadora husi Mozambike mak Auria Machava no Alaima Ama Mahumane.
Notísia relevante : Voleiból Praia : ekipa mane Timor-Leste hakat bá semi-finál
Biban ne’e Matilde Silva, sente kontente tanba bele halakon nia adversáriu sira hodi hakat ba semi-finál.
“Aban ami hasoru ekipa Cabo-Verde no ami-nia esperansa sei manán. Ami espera sei tama finál. Ami halo preparasaun no otimista bele liu jogu ne’e ho di’ak,” nia akresenta.
Jornalista : Osória Marques
Editora : Julia Chatarina
