Akadémika manán VDL FC 1-0
DILI, 19 Dezembru 2025 (TATOLI)—Ekipa futeból femininu Akadémika FC manán Vale de Lahane (VDL) ho skor 1-0 iha jogu jornada dasiak primeira divizaun Liga Futeból Femininu Timor-Leste (LFFTL) ne’ebé hala’o iha Estádiu Dili, Kinta (18/12/2025).
Elementu Treinadór Akadémika FC, Marnivio, hateten mezmu menus jogadora hafoin Gradiana Avelina hetan kartaun mean iha minutu 36 maibé konsege lidera golu iha minutu 43 antes oras parte dahuluk ramata ne’ebé enxe husi jogadora Hermínia da Costa.
Notísia relevante: UNITAL-Akadémika kontinua rekolla pontu tolu iha jornada dahitu LFFTL
Enkuantu, VDL FC iha parte daruak la konsege aproveita situasaun mezmu tun ho jogadora kompletu, nune’e to’o parte daruak ramata tabela skor kontinua 1-0.
Ho rezultadu jogu referidu, Akadémika FC hakat bá pozisaun daneen ho pontu 12, rezultadu manán haat (4) no derrota lima (5), enkuantu VDL FC kontinua iha zona mean iha pozisaun dasiak hafoin manán ida (1), impata ida (1) no derrota hitu (7).
Jornalista: Natalino Belo
Editór: Xisto Freitas da Piedade
