DILI, 06 Jullu 2026 (TATOLI)—Selesaun nasionál Inglaterra halo ekipa uma-na’in Méxiku fila ba uma ho golu mihis 3-2 iha jogu Jornada 16 Kopa Mundiál 2026 ne’ebé realiza iha Estádiu Azteca Méxiku segunda dadeer, oras Timor-Leste nian.
Iha jogu ne’e, Jude Bellingham mak Inglaterra nia eroi ho golu rua iha primeira parte no atakante Inglatera Harry Kane aumenta tan golu ida iha segunda parte.
Durante jogu, Inglaterra lakon Jarrel Quansah iha inísiu segunda parte tanba kartaun mean hodi lori Méxiku hatama golu golu rua ne’ebé marka husi Julian Quinones no Raul Jimenez.
Ho vitória ne’e, Inglaterra sei hasoru Noruega iha semana ne’e iha kuartu finál Kopa Mundiál.
Bainhira jogu hahú, Méxiku fó kedas presaun ba Inglaterra iha minutu dahuluk maibé Inglaterra luta atu sai husi presaun ne’e.
Méxiku ameasa iha minutu 15 bainhira kruzamentu ba kaixa penalidade hasoru ho kabesa husi Raul Jimenez, maibé Jordan Pickford salva.
Oportunidade dahuluk Inglaterra nian mosu iha minutu 26 bainhira Anthony Gordon halo penetrasaun husi flanku karuk no suta ba rede maibé guarda-rede Raul Rangel hako’ak hamaus bola ho kmaan tebes.
Inglaterra halakon impase iha minutu 36 liuhusi Jude Bellingham. Kontra-atake ida husi Declan Rice husi sorin-loos loke defeza mexikanu no bola ne’e pasa ba Bukayo Saka, ne’ebé lori ba liña ligasaun nian molok halo kruzamentu ba Bellingham hodi suta ba rede Méxiko muda skoru ba 1-0.
Minutu rua liutiha, Inglaterra dhametin sira-nia vantajen liuhusi Bellingham, dala ida tan iha kontra-atake ne’e, Inglaterra manán duelu iha meiu-kampu no Gordon manda bola ba Bellingham aumeta tan golu ida muda rezultadu ba 2-0.
Uma-na’in la nonok, responde ho kontra-atake, sira hamenus pontuasaun iha minutu 42 bainhira suta livre ida husi lina karuk nian la salva ho di’ak. Bola ne’ebé tama hasoru husi Julian Quinones ho suta maka’as ida ba rede Inglaterra halo baliza Pickford la salva bola no hodi muda rezultadu ba 1-2.
Méxiku kontinua fó presaun ba defeza Inglaterra nianiha minute ikus primeira parte nian. Sira besik atu marka golu dala rua iha jogu nia rohan liuhusi Jimenez, maibé la konsege marka golu. Jimenez baku bola ho ulun iha minutu datoluk husi tempu adisionál nian maibé Pickford konsege hapara bola ne’e.
Bellingham halo salvasaun krusiál bainhira kantu mexikanu ida kria iha baliza Inglaterra nia oin. Jogadór mexikanu Cesar Montes livre iha poste dook hodi hasoru bola, maibé Bellingham salva lalais.
Tama ba segunda parte, Inglaterra kuaze atu marka golu iha minutu 49 tanba Nico O’Reilly nia suta la kona baliza mexikanu.
Dezastre akontese ba Inglaterra iha minutu 53 bainhira VAR hapara jogu temporariamente tanba falta potensiál hasoru Jesus Gallardo hosi Quansah. Quansah nia atake konsidera perigozu, hodi rezulta iha kartaun-mean no Inglaterra lakon jogadór di’ak ida tenke sai husi kampu.
Inglatera aumenta nia vantajen iha minutu 58 bainhira Gordon hamonu husi Rangel iha área penalidade. Suta penalidade ida fó ba Inglaterra, no Kane ho kalma tau bola sutu tama liu rede laran muda rezultadu ba 3-1.
Rezultadu ne’e la dura kle’ur, basá iha minutu 68, Kane konsede penalti ida ba Inglaterra hafoin tebe Brian Gutierrez nia ain iha dezafiu ida ba bola. Árbitru verifika VAR antes Jimenez hamenus skor ba 2-3.
Ho vantajen numérika, Méxiku kontinua fó presaun ba Inglaterra hodi buka golu empata. Thomas Tuchel lori defeza sira hanesan Dan Burns no Djed Spence hodi hametin defeza.
Méxiku kontinua fó presaun ba defeza Inglaterra nian iha minutu 10 tempu lezaun nian. Iha momentu ida iha jogu nia rohan bainhira Inglaterra besik atu sofre bainhira Stones halo kruzamentu ba kantu.
Ikusmai Inglaterra manán ho 3-2 no avansa ba kuartu-finál Kopa Mundiál 2026.
Méxiku:
Raul Rangel; Jorge Sanchez (Alvaro Fidalgo 79′), Cesar Montes (Edson Alvarez 46′), Johan Vasquez, Jesus Gallardo; Gilberto Mora (Santi Gimenez 61′), Erik Lira, Luis Romo (Brian Gutierrez 61′); Roberto Alvarado, Raul Jimenez, Julian Quinones (Guillermo Martinez 82′).
Inglaterra:
Jordan Pickford; Jarell Quansah, Ezri Konsa, Marc Guehi, Nico O’Reilly (Djed Spence 74′); Elliot Anderson (Dan Burn 74′), Declan Rice; Bukayo Saka (John Stones 57′), Jude Bellingham, Anthony Gordon; Harry Kane (Morgan Rogers 90′).
Jornalista : Hortêncio Sanchez
Editór : Cancio Ximenes
