Dili, (ANTIL) – Entidade Reguladora Komunikasaun Sosíal (ERC) Portugal iha posibilidade apoia Konsellu Imprensa Timor-Leste (TL) hodi fo formasaun jornalizmu nian ba jornalista Timoroan.
“Prezidente ERC Portugal, Carlos Magno Castanheira halo vizita kortezia hodi hasoru malu ho Primeiru Ministru iha exercício, Dionisio Babo Soares hodi koalia kona-ba posibilidade sira atu koopera konsellu imprensa liu hosi formasaun jornalizmu” informa Primeiru Ministru Exercício, Dionisio Babo Soares ba ANTIL iha Palacio Governu, Tersa, (28/02)
Nia haktuir, ERC-Portugal hatudu vontade, maibé nia iha mandatu ne’ebé besik atu remata fiar katak nia sei transmite ideia sira ne’ebé durante nia vizita mai TL kona-ba mídia nian.
Ba futuru haree medida sira atu hola iha kontestu kooperasaun liu hosi apoia KI hodi akompaña no ajuda instituisaun ne’ebé nakonu ho jornalizmu TL.
Entretantu, Prezidente Entidade Reguladora Komunikasaun Sosíal-Portugal, Carlos Magno ba ANTIL katak enkontru ne’ebé halo ho PM ezersisiu, Dionisio Babo Soares ho objetivu atu halo ligasaun ne’ebé forte entre entidade reguladór komunikasaun sosiál Portugal nia ho Konsellu Imprensa TL.
“Mai koalia ho Primeiru Ministru Ezérsisiu, Donisio Babo Soares hodi koalia kona-ba kooperasaun Portugal nian iha área formasaun jornalista nian, nune’e bele permite kontaktu ne’ebé permanente” Akresenta, ERC, Carlos Magno
Jornalista: Zezito Silva / Editor: Gantry Meilana
