DILI (TATOLI)–Vice Sekretáriu Adjunto Estadu Unidos Amerika ba Sudeste Aziátiku, W. Patrick Murphy fó hanoin ba Timor-Leste atu hahú diversifika ona nia ekonomia nune’e despeza estadu no nasaun la bele dependenti ba fundu petroliferu.
“Ha’u nia nasaun Estadus Unidos Amerika (EUA) ami iha esperensia ona atu opta tuir folin mina ne’ebé sempre tun sa’e, tanba ne’e ami dezenvolve hydorokarbon. Ho nune’e Timor mós tenki diversifika ekonomia,” W. Patrick Murphy informa ba Jornalista sira iha edifisiu Embaixada EUA Timor-Leste, Pantai Kelapa, Dili, Kuarta (17/05).
Atu sustenta polítika monitaria Timor-leste nian, tuir W. Patrick Murphy, Timor tenki hahú halo diversifikasaun ba nia ekonomia liuhosi dalan investe makas iha Agrikultura ho Turismu.
Iha area agrikultura, EUA prontu atu tulun liu-liu halo promosaun ba produtu agrikultura Timor-Leste iha mundu ezemplu konkreta ida mak kafé-Timor, nune’e mós turismu.
“Futuru potensia koperasaun mak iha area Turismu ho Agrikultura,” prediksaun W. Patrick Murphy.
Entertantu W. Patrick Murphy mós fó sai katak, EUA apoia tomak vontade Timor-leste nian atu integra iha komunidade ASEAN (Association of Southeast Asian Nation) makse EUA la iha papel espesial ruma atu halo intervensaun.
Folin mina iha mundu oin loron nian :
(Ekipa Kobertura)
