DILI, (TATOLI) – Mensajen ikus seluk ne’ebé saudozu Mário Viegas Carrascão hato’o mak husu ba ukun nain sira atu dezenvolve Nasaun hahú hosi baze, nune’e bele akontese balansu hosi dezenvolvimentu.
“Ha’u haree dezenvolvimentu hahú hosi leten, ema balun mak sai riku maibé povu kiak nafatin tanba asaun dezenvolvimentu laliu hosi baze”, dehan eis Vise Primeiru Ministru asuntu Administrasaun no Bo’a Governasaun ba Ajénsia Tatoli iha Terra Santa, kinta, (18/5).
Tuir nia modelu dezenvolvimentu ladun di’ak, loloos tenke dezenvolve povu kiik sira, lori povu to’o ba klase media hanesan han no hemu naton, saúde naton, oan ba eskola no bele goja vida.
Dezenvolvimentu Nasaun foun ne’e, ulun mak boot liu, isin tomak no isin sai krekas fali.
Jornalista: Zezito Silva
Editora: Rita Almeida
