DILI (TATOLI)—Eis Prezidenti da Repúblika Taur Matan Ruak, hetan fi’ar hosi delegadu Partidu Libertasaun Popular (PLP) iha teritoriu Timor laran tomak hodi sai nu’udar Prezidenti Partidu ba Periudu 2017-2022. Maske antes ne’e Taur hatete, tama PLP nu’udar risku.
Konfiansa ne’ebé mak PLP atribui ba Taur Matan Ruak, liu hosi prosesu lubun ida iha kongresu ne’ebé hala’o durante loron tolu (18-20/05), iha Salao Delta Nova, maibé prosesu tomak la’o iha ambiente hakmatek no konsege hili estruktura PLP nian hanesan tuir mai ne’e; Prezidenti PLP, Taur Matan Ruak, Abrão José Freitas ‘Mate Restu’, nu’udar vise I, Demétrio de Carvalho, vise II, Lita Sarmento, Vice III, Abel Pires, Vice IV,Rosalina Ximenes, Vice V, no Fidelis Magalhães vise VI.
Estruktura sira ne’e sai vensedor ho votus 666 hosi total votante 1419. Hafoin kompete ho pakote A ho total votus 323 no B votus 316. Pakote A kompostu hosi, Taur Matan Ruak, nu’udar Prezidenti, Vise I, Fidelis Magalhães,vice II, Mericio Akara,vice III, Abrão José Freitas ‘Mate Restu’,vice IV, Demétrio de Carvalho, vice V, Meta Mendonça no vice VI, Lita Sarmento.
Pakote B, Prezidenti, Taur Matan Ruak, vise I, Fidelis Magalhães, vice II, Sabino Soares Guntur, vice III, Rosalina Ximenes, vice IV, Abel Pires, vice V, Demétrio de Carvalho, no vice VI, José Neves Samalarua
Entertantu rejultadu kongresu PLP ne’e diside mós estruktura no funsaun hosi Komisaun Juridiku na’in hitu, Komisaun Ekonomia no Finansas na’in hitu inklui Komisaun Polítika Nasionál (CPN) iha ema na’in hitu.
Noticia relasiona:
(http://www.tatoli.tl/2017/05/taur-rekonese-tama-plp-hanesan-risku/)
http://www.tatoli.tl/2017/05/prinsipiu-plp-mak-loriku-fitun/
http://www.tatoli.tl/2017/05/hakarak-halo-diferensa-taur-matan-ruak-tama-plp/
(Jornalista:MariaAuxiliadora)
(Editór : Manuel Pinto)
