DILI (TATOLI)— Comissão Naçional das Eleições (CNE) ohin iha Ótel Ramelau, ‘Hanorin’ (fahe informasaun) ba Polísia Nasionál Timor-Leste (PNTL) hodi atua seguransa tuir regras iha kampaña to’o post elisaun lejislativu.
Prezidente Interinu Comissão Naçional das Eleições (CNE), Duarte Tilman hateten eleisaun lejislativa ne’ebé sei monu iha 22 jullu, Polisia Nasionál Timor-Leste (PNTL) tenke servisu tuir regra atu labele halo vítima ba sidadaun eh simpatizante.
“Ami fahe informasaun ba komandu PNTL nasionál no munisípiu sira kona-ba krime eleitorál oinsa mak seguransa halo atuasaun tuir regra tanba kompriémentu legál importante ba eleisaun,” Vise Prezidente em exercício, Duarte Tilman ba jornalista iha Ótel Ramelau, Comoro ohin (8/06).
Tuir nia, atu garante eleisaun ho susesu tenke servisu tuir regra ne’ebé determinadu, ezemplu, iha tempu servisu tenke disiplina atu sidadaun eh votante sira labele sai vítima tanba de’it tuir kampaña.
Timor-Leste sidadaun nia responsabilidade atu tau matan hodi garate estabilidade no páz iha nasaun RDTL.
Enkuantu, Komandu PNTL tenke koordena ho instituisaun relevante hanesan CNE, PDHJ, KFP, KOMISAUN TRATA LABARIK, KAK atu iha kamapaña labele iha violasaun ba regra ne’ebé iha.
Ezemplu ida tan, dalaruma funsionáriu balun prezensa iha loron kampaña, funsionariu estadu nian uza pateimoniu estadu ba kampaña no dalaruma partidu polítiku sira uza labarik atu hetan votu.
(Jornalista : Zezito Silva)
(Editór : Manuel Pinto)
