KOVALIMA (TATOLI)–Prezidente Repúblika, Francisco Guterres ‘Lú-Olo’ anúnsiu Aeroportu Internasionál Suai ho naran COMANDANTE – EM CHEFE ESTADO DAS FALINTIL KAY RALA XANANA GUSMÃO hafoin asina plaka iha serimónia inaugurasaun loron 20 Junu 2017.
Inaugurasaun Aeroportu Comandante-Em Chefe Estado Das FALINTIL Kay Rala Xanana Gusmão uza mós hodi selebra aniversariu aktual Ministru Planeamentu no Investimentu Estratéjiku Xanana Gusmão bá da-71.
“Parabéns ba avó Xanana ne’ebé ohin halo tinan, vida naruk, isin di’ak nafatin hodi serví povu, no ami-nia futuru,”. Heman (sidadaun Suai) hato’o iha serimónia inaugurasaun hafoin asina plaka husi Prezidente Repúblika.
Hodi kontinua toka múzika aniversáriu husi artista nasionál, Cidália Gonçalves Borges ho títilu Parabéns a você no akompana basa-liman husi ema sira ne’ebé marka prezensa iha serimónia ida ne’e.
Kay Rala Xanana Gusmão supreza tebes ho prezente ne’ebé oferse ba nia no ho mataben hafoin simu prezente hirak ne’e.
(Jornalista : Maria Auxiliadora, Editór : Manuel Pinto)
