DILI, (TATOLI) – Primeiru Ministru, Rui Maria de Araújo hateten ekipa tekníku finaliza ona estudu kona-ba polítika atu muda kalendáriu foun ba ezekusaun Orsamentu Jerál Estadu (OJE) 2018 iha governu da-hitu.
Governu dahuluk implementa ona kalendáriu normál hahú iha loron 1 janeiru no remata iha 31 desembru. Maske polítika foun foin diskute fali iha governu jestaun. Hatutan, governu dahuluk introdus ona sistema ne’e hahú iha 1 jullu no remata iha 30 juñu.
“Traballu téknika ne’e finaliza ona hein loron hirak mai ba parlamentu para aprovaʺ, dehan nia hafoin enkontru ho ekipa tékniku husi Ministériu Finansa (MF) no Gabinete Primeiru Ministru iha edifísiu MF Aitaraklaran, ohin.
Kalendáriu foun ne’e iha vantajen no desvantajen, tuir lidér governu vantajen maka governu iha tempu atu prepara programa no projetu OJE 2018 to’o 2019. Enkuantu desvantajen maka tenke halo ajustamentu ba sistema finanseira no seluk tan.
ʺSe ita hamosu orsamentu retifikativu ida hahú husi setembru to’o dezembru 2017 no loron 1 janeiru 2018 to’o 30 juñu orsamentu tranzisaun hodi setimu governu prepara di’ak liutan programa no projetu orsamentu 2018 to’o 2019ʺ.
Jornalista: Agapito dos Santos
Editora: Rita Almeida
