Top

Don Basílio: Governu Monu Bele Ba Eleisaun Antisipada

Bispu Dioseze Baucau, Don Basílio do Nascimento

SOIBADA (TATOLI)—Bispu Dioseze Baucau, Don Basílio do Nascimento hateten karik maka Sétimu Governu Konstitusionál monu, bele ba eleisaun antisipada tanba ne´e regra demokrátiku.

“Buat ne´ebé ha´u subliña ne´e, Governu ne´ebé lidera hosi FRETILIN no PD, biar sira hatene katak sira nia governu ne´e frajíl, maibé tanba povu fó kbiit ba sira, sira forma Governu. La´o ba oin, monu, monu no karik ba fali eleisaun antisipada, ne´e regra demokrátika. Igreja laiha buat ida ho ida ne´e. Ita tuir de´it Konstituisaun haruka,” Amu Basílio ko´alia kestaun ba jornalista sira iha Postu Administrativu Soibada, Munisípiu Manatuto, sábadu (14/10), bainhira hatán jornalista sira nia pergunta kona-ba polémika pro no kontra ba programa Governu ne´ebé sei aprezenta ba Parlamentu Nasionál hodi deskuti no aprova, segunda aban.

Maibé, líder Igreja Katólika ne´e informa sé jogu polítiku iha laran ka sé partidu ida la vota ka vota abstensaun, programa Governu bele pasa.

“Basta membru bankada opozisaun ne´e na´in haat ka lima haree katak programa governu ne´e afinál la´ós tanba ideolojia maibé tanba intrerese ba nasaun, sira sei la vota tuir disiplina partidária, entaun bele loke dalan ba programa Governu Pasa iha Parkamentu,” nia dehan. (Jornalista: Xisto Freitas)

 

Publisidade

Leave a Reply

Latest Post

error: Content is protected !!