DILI (TATOLI)—Estadu Japaun afirma dala ida tan nia komitmentu hodi reforsa nafatin nia kooperasaun ho estadu Timor-Leste, ba agora no iha futuru.
Vontade kooperasaun ne’e afirma hosi embaxador foun Japaun, Hiroshi Minami hafoin entrega karta kredensiál ba Prezidente da repúblika, Francisco Guterres Lú Olo, ohin, Tersa (17/10), iha Palásiu Prezidénsial, Bairru-Pite.
Ministru Negosiu Estrangeiru no Koperasaun, Aurelio Guterres hateten, Governu Japaun kontinua reforsa koperasaun ho Timor-Leste ba futuru.
ʺOhin Embaixadór Foun husi Japaun mai entrega karta kredénsial. Governu Japaun nu’udar Nasaun ne’ebé atívu tebes iha prosesu konstrusaun estadu liuhusi Ajénsia Kooperasaun Internasionál Japaun (Japan International Coperation Agency-JICA) hafoin nasaun ne’e estabelese ninia embaixa iha 2002,” Ministru Negósiu Estranjeiru, Aurelio Guterres informa ba Jornalista sira hafoin partisipa serimónia entrega karta kredénsia.
“Kooperasaun ho Japaun boot tebes antes restaurasaun independénsia, dezenvolvimentu infraestrutura, dezenvolvimentu rural, dezenvolvimentu defeza, kapasitasaun rekursu umanu, apoiu sosiedade sivíl.”
(Jornalista:Agapito dos Santos).
(Editór : Manuel Pinto)
