iklan

NASIONÁL, POLÍTIKA

CCI-TL Husu PR Buka Solusaun Lais Ba Inpase Polítika

CCI-TL Husu PR Buka Solusaun Lais Ba Inpase Polítika

Prezidente Kámara Komérsiu Indústria Timor-Leste (CCI-TL), Oscar Lima, ho nia estrutura dadalia ho jornalista sira iha Palásiu Prezidene Nicolau Lobato, Bairru Pité, foin lalais. Imajen Mídia Palásiu PR.

DILI (TATOLI)—Estrutura Kámara Komérsiu Indústria Timor-Leste (CCI-TL), segunda ne´e, aprezenta defikuldade sira ne´ebé maka emprezáriu sira infrenta ba Prezidente Repúblika (PR), Francisco Guterres Lú Olo, ligadu ho inpase polítika iha rai laran.

CCI-TL konsidera katak inpase polítika ne´ebé la´o besik fulan neen ona afeta maka´as ba traballadór no emprezáriu sira.

Estrutura Kámara Komérsiu Indústria Timor-Leste (CCI-TL) hasai foto hamutuk ho Prezidente Repúblika, Francisco Guterres Lú Olo, iha Palásiu Prezidente Nicolau Lobato, ohin. Imajen Mídia Palásiu PR.

“Ami nia prinsípiu maka buka solusaun lais ba situasaun atuál, nune´e bele fó sulusaun ba situasaun refere ho di´ak liu-tan tanba ida ne´e afeta ba ema nia moris lor-loron,” Prezidente CCI-TL, Oscar Lima hato´o kestaun ne´e ba jornalista sira iha Palásiu Prezidente Nicolau Lobato, Bairru Pité, Dili, hafoin enkontru ho Xefe Estadu Lú Olo.

Ko´alia ho Prezidente, nia dehan, sira foku liu ba pagamentu ba traballadór no emprezáriu sira tanba impkatu hosi osan la aprovadu iha Parlamentu Nasionál.

Osacar Lima haktuir Prezidente Repúblika promete sei buka solusaun ida justu iha tempu badak nune´e solusiona situasaun iha nasaun ne´e.

(Jornalista: Xisto Freitas)

(Editór : Manuel Pinto)

iklan
iklan

Leave a Reply

iklan
error: Content is protected !!