Top

Telkomcel Iha Programa Tolu Ba Kliente Durante Loron Boot

TELKOMCEL

DILI, (TATOLI) –  Loron boot Natál no Tinan foun, Telkomcel iha programa tolu ba kliente mak; hasa’e kualidade rede, atendimentu kliente ho efetivu liu inklui merkadu ka kompradór sira sei hetan bonus barak liu.

Diretór Ezekutivu Telkomcel, Yogi R. Bahar, ba jornalista sira liuhosi konferénsia imprensa iha edifísiu Fatuhada, ohin hatete atu garante kualidade rede ba kliente sira, kuandu komunidade sira hala’o atividade Natál no atu ba igreja.

Nia dehan kuandu sira uza Telkomcel sei la perturba ho rede. Tanba ne’e mak Telkomcel sei kontrola kualidade rede ho oras 24 nia laran.

Nune’e mós Telkomcel sei atende kliente sira ho di’ak. Katak se mak uza kartaun Telkomcel bele troka  ba 4G ho maneira gratuira, no bonus sei barak liu iha kartaun 4G, tanba ne’e husu ba kliente hotu atu bele lais liu tan.

Enkuantu, kona-ba merkadu ho kompradór sira. Iha bonus barak liu ne’ebé mak sei oferese hosi Telkomcel, kuandu ema uza pakote $1 to’o 2, entaun nia bonus mós dolár ida. Maibé porsentu 100 fó bónus iha loron Natál no tinan foun, hahú hosi 23 dezembru to’o 2 janeiru.

Ho bonus ne’e bele telefone família sira iha Indonezia, kuandu iha momentu Natál, maibé tenke ense dolár rua kada loron.

Nune’e mós se timoroan hakarak ferias ba Indonézia, ida n’e ense dolár 10 de’it, ne’e internet free (livre) to’o fulan ida, no la presiza hola kartaun Telkomcel foun iha Indonézia no uza kartaun Telkomcel nian iha Timor-Leste.

Yogi espera komunidade bele uza Telkomcel ho di’ak. Signifika dalaruma lahatene oinsá ho kartaun Telkomcel, maibé bele koko, tanba ema dehan lahatene entaun sei la hadomi.

Hodi Telkomcel nia naran fó Ksolok loron Santu Natál no Tinan Foun ba komunidade iha Timor laran tomak, Maromak sei lori domin no dame no Timor-Leste sei sai nasaun ne’ebé dezenvolvidu, iha justisa ne’ebé di’ak no prosperu.

Enkuantu, postu komandu ba Natál ho tinan foun hanesan atividade rutina ne’ebé oferese hosi grupu telekom atu garante kliente Telkomcel bainhira selebra loron boot Natál no tinan foun 2019, rede internet grupu Telkomcel iha timór laran tomak sei funsiona ho másimu, nune’e kliente tomak bele sente di’ak liu tan.

Telkomcel hanesan empreza subsidiáriu hosi grupu telekom harii no estabelese ona iha nasaun 10, iha esperansa ho prezensa postu Natál nu’udar faze ka pasu ida atu atinje vizaun Telkomcel hanesan “Be The King of Digital in Timor-Leste”.

Dijitalizasaun merkadu ne’ebé ho objetivu garante no asegura negósiu sira ne’ebé dezenvolve iha Timor-Leste bele hetan benefísiu liuhosi inovasaun dijitál ne’ebé kria liña broadband (banda larga) iha merkadu ho valór ne’ebé aas.

Durante períodu 2018, Telkomcel esforsu atu hatur nia misaun hodi konkretiza ninia vizaun nu’udar “King of Dijital in Timor-Leste” hodi halo progresu infraestrutura adisionál, atividade refere hala’o tuir faze ne’ebé planeadu atu aumenta kapasidade no esperiénsia utilizadór sira bele sente katak Telkomcel oferese sasan dijitál ne’ebé kualidade.

Iha mós atividade balun ne’ebé realiza ona hosi Telkomcel atu melloria no adisiona infraestrutura mak hanesan realiza ona postu oras 24 atu garante  rede Telkomcel funsiona ho prima hahú 20 dezembru 2018 to’o 2 janeiru 2019, aumenta 4G iha 25 lokál iha Dili, aumenta kapasidade ba backbone 1,4G no elevasaun availability backbone.

Entretantu, Telkomecel dezenvolve produtu ne’ebé kompetetivu hanesan UDAN Bónus, promo Bónus Quota porsentu 100 (Double Quota Bonus 4G) inklui Promo pakote foun IDD – ilimitadu IDD.

Jornalista: Zezito Silva

Editora: Rita Almeida

Publisidade

Leave a Reply

Latest Post

error: Content is protected !!