DILI, 25 outubru 2019 (TATOLI)-Ezekusaun orsamentu Ministériu Edukasaun, Juventude no Desportu (MEJD) atinje ona 74%. MEJD sei iha métade purvolta $18 millaun ba fulan rua nian.
Ministra Edukasaun, Dulce de Jesus Soares hateten, metade husi $18 millaun ne’e sei kategoria ba saláriu no vensimentu. Tanba ne’e Ministèriu sei hasai $16 millaun hodi aloka ba saláriu de’it.
“Ita hatene katak MEJD ninia orsamentu bo’ot tebtebes ba de’it kategoria saláriu vensimentu tanba ne’e husi métade orsamentu $18 milhões ne’e ami sei hasai $16 milhões hodi halo pagamentu ba salariál de’it,” dehan Ministra Dulce de Jesus perante media sira iha eskola ensìno báziku filiál 12 de outubro Tasi tolu, sesta (25/10/2019).
Governante ne´e dehan, orsamentu millaun $16 ne’e sei halo pagamentu salariál husi fulan outubru, novembru no dezembru tanba ne’e husi ezekusaun ne’ebè atinj ona 74 % ne’e molok dezembru bele atinje 90%.
Notísia relavante:MEJD Prevee 14 Millaun Realiza Formasaun Portugés Ba Profesór Sira
MEJD Prevee Millaun 86 USD Realiza Planu Prioridade Lima
Jornalista : Tomé Amado
Edtór : Rafy Belo
