DILI, 24 setembru 2020 (TATOLI)-Sekretáriu Estadu Juventude no Desportu (SEJD), Abrão Saldanha, hateten nia parte ona pagamentu pursentu 63 ba Kompaña DVP Construction Unipesoál, LDA, ne’ebé implementa ona projetu re-abilitasaun kampu voleiból praia iha Lecidere Dili ho totál orsamentu hamutuk $ 84,302.71.
“Voleiból praia nian ita halo ona pagamentu metade, maibé servisu ema halo 100% ona, loloos ita selu hotu ona tanba duodesimu ita tenke selu tuir osan ne’ebé iha,” Abrão informa ba Tatoli iha resintu Parlamentu Nasionál, kinta ne’e.
Notísia Relevante :Reabilitasaun Jináziu Dili besik ramata
Enkuantu, kona-ba projetu re-abilitasaun Jináziu Dili, SEJD, Abrão, dehan projetu ne’e atinje ona pursentu 90 maibé Governu foin halo pagamentu ba kompaña ezektadór projetu Vitoria Unipesoál LDA, ho pursentu 50-resin husi totál osan $412,595.61.
“Osan ida agora fulan rua ne’e pasa ami bele selu hotu tia tanba ema halo ona servisu,” nia dehan.
Notísia Relevante :Projetu Reabilitasaun Jináziu Dili no Voleiból Praia Bele La’o ho Duodésimu
Jornalista: Hortencio Sanchez
Editór : Agapito dos Santos
