PNTL disemina informasaun kona-ba prevensaun COVID-19

March 18, 2021
09:52 PM
Facebook Instagram X WhatsApp Telegram

*Membru PNTL husi Unidade BOP hala'o hela operasaun iha área Hudi- Laran to'o Elemloi, Delta III, Comoro, Kinta 18 marsu 2021. Imajen Tatoli/Antonio Goncalves*

DILI, 18 marsu 2021 (TATOLI)-Komandu Polísia Nasionál Timor-Leste (PNTL) Munisípiu Dili, kinta ne’e, kontinua fahe máskara hamutuk 500-resin ba negosiante no kompradór sira iha merkadu Manleuana no halo mós diseminasaun informasaun kona-ba regra serka sanitária no prevensaun COVID-19 .

Notísia Relevante : PNTL ho MTM fahe máskara 1500 iha Merkadu Taibesi

Segundu Komandante PNTL Munisípiu Dili, Superintendente Euclides Belo. Imajen Tatoli/Eugénio Pereira

“Atu hakotu transmisaun COVID-19, importante tebes atu ita hotu kumpre medida prevensaun sira, hanesan fase-liman ho sabaun beibeik, uza máskara, distánsia fíziku no hakmatek iha uma bainhira la presiza sai,” Segundu Komandante PNTL Munisípiu Dili, Superintendente Euclides Belo hateten.

Euclides Belo hateten mezmu máskara ne’ebé fahe la sufisiente, maibé oinsá bolu atensaun ba negosiante no kompradór hotu atu buka kontribui nafatin hamutuk ho Estadu luta kontra surtu COVID-19.

Komandu PNTL sei kontinua atividade hanesan ba fatin sira seluk hodi bele hasae konsiénsia públiku nian iha luta kontra peste letál COVID-19 ne’e.

Jornalista : Nelson de Sousa

Editór : Francisco Simões