DILI, 24 abríl 2021 (TATOLI)-Japan International Cooperation Agency (JICA) Timor-Leste apoiu ekipamentu informátika no teknolojia (IT, sigla inglés) mai Governu Timor-Leste hodi reforsa servisu administrasaun iha Sentru Izolamentu Vera Krús, Dili.
Notísia Relevante : JICA oferese ekipamentu prevensaun COVID-19 ba HNGV
Xefe reprezentativu JICA Timor-Leste, Goto Ko, liuhosi komunikadu imprensa, ne’ebé Agência Tatoli asesu, sábadu ne’e, hateten JICA Timor-Leste kontinua hamriik hamutuk ho Governu Timor-Leste liuhosi Ministériu Saúde (MS) hodi apoiu pesoál saúde Timor-Oan sira hodi kombate surtu COVID-19.
“Hanesan realizasaun hosi kompromisu ne’e, JICA Timor-Leste entrega apoiu ekipamentu IT nian ba Sentru Izolamentu Vera Krús, Dili, atu nune’e, bele ajuda pesoál saúde sira hodi hala’o sira-nia servisu administrasaun sira ne’ebé ligadu ho atendimentu kazu COVID-19,” Goto Ko hateten.
Ekipamentu IT hirak ne’e mak hanesan; komputadór, mákina imprime, rádiu komunikasaun no seluk tan.
Notísia Relevante : JICA apoiu ekipamentu prevensaun COVID-19 ba SEPS
Jornalista : Osória Marques
Editór : Francisco Simões
