LIQUIÇA, 12 maiu 2021 (TATOLI) – Xefe Aldeia Mane-muno, Suku Ulmera, Postu Administrativu Bazartete, Munisípiu Liquiça, Abrão dos Santos, hateten, nia abitante-sira hamutuk uma-kain 70 seidauk asesu eletrisidade.
Notísia Relevante : Aldeia rua iha Guisu seidauk asesu eletrisidade
“Ami iha ne’e besi-riin mai ona, maibé to’o agora eletrisidade seidauk tama,” Xefe Aldeia Mane-muno, Abrão dos Santos, hateten ba Agência Tatoli iha Liquiça, kuarta ne’e.
Nia dehan, parte-sirs eletrisidade seidauk tama ne’e mak bairru Fatuglana no Arolema, hahú kedas hosi tempu okupasaun Indonézia to’o tinan-19 Timor-Leste restaura nia ukun rasik an, 20 maiu 2002-2021.
Notísia Relevante : Uma-kain 110 iha suku Goulolo seidauk asesu eletrisidade
Iha parte seluk, nia dehan, bee-moos laiha problema, maibé eletrisidade mak sai problema tanba parte sorin ahi lakan, maibé parte klaran seidauk lakan.
Notísia Relevante : Aldeia Gariana-Rainaba iha Suku Vatuvou-Guguleur seidauk asesu eletrisidade
Hanesan autoridade komunitária, Abrão dos Santos hato’o ona proposta ba nasionál iha 2015, maibé to’o agora laiha resposta.
Iha sorin seluk komunidade Arsénio Barreto, hateten triste tanba laiha eletrisidade atu komunidade asesu. “Ami sente hanesan seidauk ukun an, tanba Governu bele izola ami hanesan ne’e, ami nia oan-sira atu estuda iha tempu kalan labele tanba laiha ahi, ami tenke tuku kami no sunu ahi oan tradisionál atu labarik sira estuda,” nia hateten.
Notísia Relevante : Suku rua iha Liquiça seidauk asesu eletrisidade
Jornalista : Hortencio Sanchez
Editór : Francisco Simões
