DILI, 01 jullu 2021 (TATOLI) – Treinadora selesaun nasionál feminina, Minyoung Lee hateten, jogadór feminina seniór ne’ebé nia lidera maioria prestasaun tun tanba durante fulan tolu la hala’o treinamentu.
“Ami foin hahú treinu semana tolu, maibé ida ne’e seidauk bele rekoopera, tanba ne’e tenke treinu beibeik to’o fulan tolu hanesan ne’e,” Minyoung Lee hateten ba Agência Tatoli iha kampu Federasaun Futebol Timor-Leste (FFTL), Dili, kinta ne’e.
Nia dehan, bainhira serka sanitária seidauk hahú maioria jogadór sira-nia prestasaun di’ak.
Total jogadór selesaun nasionál feminina na’in 27. Maibé bainhira Liga Feto Timor (LFT) hahú treinadora ne’e sei asiste jogadór sira nia jogu, atu nune’e, bele hili fali jogadór foun hodi reforsa tan selesaun nasionál.
Jornalista : Hortencio Sanchez
Editór : Francisco Simões
